Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകേന്ദ്ര അവഗണനക്കെതിരെ...

കേന്ദ്ര അവഗണനക്കെതിരെ പഞ്ചാബിൽ ദേശീയ പതാക ഉയർത്തി പ്രതിഷേധിക്കും

text_fields
bookmark_border
കേന്ദ്ര അവഗണനക്കെതിരെ പഞ്ചാബിൽ ദേശീയ പതാക ഉയർത്തി പ്രതിഷേധിക്കും
cancel


ചണ്ഡീഗഡ്​: ഫണ്ട്​ അനുവദിക്കുന്നതിൽ സംസ്​ഥാനത്തോട്​ കേന്ദ്രസർക്കാർ കാണിക്കുന്ന വിവേചനത്തിനെതിരെ മേയ്​ ദിനത്തിൽ ദേശീയപതാക ഉയർത്തി പ്രതിഷേധിക്കുമെന്ന്​ കോൺഗ്രസ് പഞ്ചാബ്​ ഘടകം. ലോക തൊഴിലാളി ദിനമായ മേയ്​ ഒന്നിന്​ എല്ലാ വീടുകൾക്കുമുകളിലും ത്രിവർണ പതാക ഉയർ​ത്തമെന്ന്​ പാർട്ടി സംസ്​ഥാന അധ്യക്ഷൻ സുനിൽ ജഖാർ അഭ്യർഥിച്ചു.

ക ോവിഡ് -19നെതിരായ പോരാട്ടത്തിൽ ബി.ജെ.പിക്ക്​ ഭരണമില്ലാത്ത സംസ്​ഥാനങ്ങൾക്ക്​ പിന്തുണ നൽകുന്നതിൽ കേന്ദ്രം വിവേചനം കാണിക്കുകയാണ്​. പകർച്ചവ്യാധിയും ലോക്ഡൗണും മൂലം സംസ്ഥാനത്തിന് പ്രതിമാസം 3,360 കോടി രൂപയുടെ വരുമാനനഷ്ടമുണ്ടെന്ന് പഞ്ചാബ് മുഖ്യമന്ത്രി അമരീന്ദർ സിങ്​ ചൂണ്ടിക്കാട്ടി. പ്രതിസന്ധി പരിഹരിക്കുന്നതിന് കേന്ദ്രത്തിൽ നിന്ന് ഇതുവരെ യാതൊരു സഹായവും ലഭിച്ചിട്ടില്ലെന്നും അദ്ദേഹം പറഞ്ഞു.

മഹാമാരിക്കെതിരെ പോരാടാൻ സംസ്​ഥാനത്തിന്​ 20,000 കോടി ​രൂപയുടെ അടിയന്തര ആശ്വാസം ആവശ്യപ്പെടുമെന്ന് പാർട്ടി എം‌.എൽ.‌എമാരുമായി നടത്തിയ വീഡിയോ കോൺഫറൻസിൽ പഞ്ചാബ് കോൺഗ്രസ് അധ്യക്ഷൻ സുനിൽ ജഖാർ പറഞ്ഞു. പഞ്ചാബ് യാചിക്കുകയല്ല, മറിച്ച് അതി​​െൻറ ശരിയായ പങ്ക് ചോദിക്കുകയാണ്. മറ്റ് സംസ്ഥാനങ്ങൾ ആവശ്യപ്പെട്ടതുമായി താരതമ്യപ്പെടുത്തുമ്പോൾ നമ്മൾ കേന്ദ്ര സർക്കാരിനോട് ആവശ്യപ്പെടുന്നത് വളരെ കുറവാണ് -അദ്ദേഹം പറഞ്ഞു.

Show Full Article
TAGS:Punjab Congress punjab national flag Centre Govt bjp 
News Summary - Punjab raise national flag on May 1 against Centre’s discrimination
Next Story