കേരളത്തിന്​ തെലങ്കാനയുടെ 25 കോടി, പഞ്ചാബും ഡൽഹിയും 10 കോടി വീതം 

ന്യൂ​ഡ​ൽ​ഹി: പ്ര​ള​യ​ക്കെ​ടു​തി നേ​രി​ടു​ന്ന കേ​ര​ള​ത്തി​ന്​ 25 കോടി നൽകുമെന്ന്​ തെലങ്കാന സർക്കാർ അറിയിച്ചു. പ​ഞ്ചാ​ബ്​, ഡൽഹി സ​ർ​ക്കാ​റുകൾ 10 കോ​ടി രൂ​പ​ വീതവും നൽകും.  കേരളത്തെ ​പൊതുജനം സഹായിക്കണമെന്ന്​ ഡൽഹി മുഖ്യമന്ത്രി അരവിന്ദ്​ കെജ്​രിവാൾ അഭ്യർഥിച്ചു.

പഞ്ചാബ്​ നൽകുന്ന തുകയിൽ അ​ഞ്ചു​കോ​ടി രൂ​പ മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്കാണ്​. ബാ​ക്കി തു​ക​ക്ക്​ ഉ​ട​ന​ടി ഭ​ക്ഷ്യ​വ​സ്​​തു​ക്ക​ൾ കേ​ര​ള​ത്തി​ൽ വി​മാ​ന​മാ​ർ​ഗം എ​ത്തി​ക്കും. മു​ഖ്യ​മ​ന്ത്രി ക്യാ​പ്​റ്റൻ അ​മ​രീ​ന്ദ​ർ സി​ങ്ങാ​ണ്​ ഇൗ ​വി​വ​രം അ​റി​യി​ച്ച​ത്. പാ​ൽ​പ്പൊടി, ബി​സ്​​ക്ക​റ്റ്, റ​സ്​​ക്, കു​പ്പി​വെ​ള്ളം തു​ട​ങ്ങി 30 ട​ൺ ഭ​ക്ഷ്യ​സാ​ധ​ന​ങ്ങ​ൾ നാ​ലു​ത​വ​ണ​യാ​യി കേ​ര​ള​ത്തി​ൽ എ​ത്തി​ക്കാ​നാ​ണ്​ തീ​രു​മാ​നം. ഇ​തി​ൽ ആ​ദ്യ വി​മാ​നം ശ​നി​യാ​ഴ്​​ച തി​രു​വ​ന​ന്ത​പു​ര​ത്ത്​ എ​ത്തും.

കേ​ര​ള സ​ർ​ക്കാ​ർ ആ​വ​ശ്യ​പ്പെ​ടു​ന്ന​മു​റ​ക്ക്​ ബാ​ക്കി ഭ​ക്ഷ്യ​വ​സ്​​തു​ക്ക​ൾ എ​ത്തി​ക്കും. മു​ഖ്യ​മ​ന്ത്രി​യു​ടെ അ​ഭ്യ​ർ​ഥ​ന​മാ​നി​ച്ച്​ ഒ​രു​ദി​വ​സ​ത്തെ ശ​മ്പ​ളം കേ​ര​ള മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക്​ സം​ഭാ​വ​ന​ചെ​യ്യാ​ൻ പ​ഞ്ചാ​ബ്​ ​െഎ.​എ.​എ​സ്​ ഒാ​ഫി​സേ​ഴ്​​സ്​ അ​സോ​സി​യേ​ഷ​ൻ തീ​രു​മാ​നി​ച്ചു. മ​റ്റു സ​ർ​ക്കാ​ർ ജീ​വ​ന​ക്കാ​രോ​ടും കേ​ര​ള​ത്തെ സ​ഹാ​യി​ക്കാ​ൻ പ​ഞ്ചാ​ബ്​ മു​ഖ്യ​മ​ന്ത്രി ആ​ഹ്വാ​നം ചെ​യ്​​തി​ട്ടു​ണ്ട്.  

പണം ഉടൻ കേരളത്തിന്​ കൈമാറണമെന്ന്​ തെലങ്കാന മുഖ്യമന്ത്രി കെ. ചന്ദ്രശേഖർ റാവു ഉദ്യോഗസ്​ഥർക്ക്​ നിർദേശം നൽകി​. കുടിവെള്ളം ശുദ്ധീകരിക്കാൻ സഹായിക്കുന്ന ഉപകരണങ്ങളും നൽകും. ഇതിനായി രണ്ടര കോടി മാറ്റിവെക്കും.