Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകാർഷിക ബില്ലിൽ...

കാർഷിക ബില്ലിൽ പ്രതിഷേധിച്ച്​ പഞ്ചാബ്​ ബി.ജെ.പി ജനറൽ സെക്രട്ടറി രാജിവെച്ചു, പാർട്ടിക്കെതിരെ രൂക്ഷ വിമർശനം

text_fields
bookmark_border
കാർഷിക ബില്ലിൽ പ്രതിഷേധിച്ച്​ പഞ്ചാബ്​ ബി.ജെ.പി ജനറൽ സെക്രട്ടറി രാജിവെച്ചു, പാർട്ടിക്കെതിരെ രൂക്ഷ വിമർശനം
cancel

അമൃത്​സർ: കാർഷിക ബില്ലിൽ പ്രതിഷേധിച്ച്​ പഞ്ചാബ്​ ബി.ജെ.പി ജനറൽ സെക്രട്ടറിയും കോർ കമ്മിറ്റി അംഗവുമായ മാൽവീന്ദർ കാങ്​ രാജിവെച്ചു.

''കർഷകർ, ഇടനിലക്കാർ, ചെറുകിട വ്യാപകാരികൾ, തൊഴിലാളി സംഘടനകൾ എന്നിവർ കേന്ദ്ര സർക്കാറിനെതിരെ ജനാധിപത്യ രീതിയിൽ പ്രതിഷേധിക്കുകയാണ്​. ബി.ജെ.പി സെക്രട്ടറിയെന്ന നിലയിലും കോർ കമ്മറ്റി അംഗമെന്ന നിലയിലും ഞാൻ അവർക്ക്​ പിന്തുണയുമായി ശബ്​ദമുയർത്തിയിട്ടുണ്ട്​. പാർട്ടിയുടെ സംസ്ഥാന ദേശീയ നേതാക്കളോട്​ ഞാൻ കർഷകരുടെ പ്രശ്​നങ്ങൾ കേൾക്കാനും ഗുണാത്മകമായ തീരുമാനങ്ങൾ എടുക്കാനും നിർദേശിച്ചിരുന്നു. പക്ഷേ അവർ ചെവികൊണ്ടില്ല. കർഷകർക്ക്​ പിന്തുണയുമായി ബി.ജെ.പി സംസ്ഥാന ജനറൽ സെക്രട്ടറി, കോർകമ്മറ്റി അംഗം, പ്രാഥമിക അംഗത്വം എന്നിവ ഞാൻ രാജിവെക്കുന്നു'' - ബി.ജെ.പി സംസ്ഥാന നേതൃത്വത്തിന്​ നൽകിയ കത്തിൽ കാങ്​ എഴുതി.

പഞ്ചാബ്​ ബി.ജെ.പി പഞ്ചാബികൾക്കുള്ളതല്ല. അവർക്ക്​ സംസ്ഥാനത്തെക്കുറിച്ച്​ ചിന്തയില്ല. എല്ലാവരും മോദി എപ്പോഴും ശരിയെന്ന്​ പറഞ്ഞിരിക്കുകയാണ്​. ഒരു ബി.ജെ.പി നേതാവ്​ ത​ാൻ പാകിസ്​താൻ ഭാഷ സംസാരിക്കുകയാണെന്ന രീതിയിലും എന്നെ കുറ്റപ്പെടുത്തി - കാങ്​ പി.സി.സി ന്യൂസിനോട്​ പ്രതികരിച്ചു.

അതേസമയം കാങി​െൻറ രാജിയെക്കുറിച്ച്​ അറിയില്ലെന്ന്​ ബി.ജെ.പി സംസ്ഥാന പ്രസിഡൻറ്​ അശ്വനി ശർമ പ്രതികരിച്ചു. ഞാൻ ഈ വാർത്ത പത്രങ്ങളിലൂടെയാണ്​ അറിഞ്ഞത്​. എനിക്ക്​ രാജിക്കത്ത്​ ലഭിക്കുവോളം വിഷയത്തിൽ പ്രതികരിക്കാനല്ലെന്നും ശർമ അറിയിച്ചു.

കാർഷിക ബില്ലിൽ പ്രതിഷേധിച്ച്​ ബി.ജെ.പി സഖ്യകക്ഷിയായ ശിരോമണി അകാലിദൾ എൻ.ഡി.എ വിട്ടിരുന്നു. പഞ്ചാബിലും ഹരിയായയിലും കർഷകസമരങ്ങൾ രൂക്ഷമാകുകയും ചെയ്​തിരുന്നു. ഇതിന്​ പിന്നാലെ സ്വന്തം പാളയത്തിൽ കൂടി പ്രശ്​നങ്ങൾ രൂപപ്പെടുന്നത്​ ബി.ജെ.പിക്ക്​ തലവേദനയാകും.

Show Full Article
TAGS:Punjab BJP farms bill 
Next Story