16 മണിക്കൂർ ശ്രമത്തിനൊടുവിൽ കുഴൽ കിണറിൽ വീണ കുട്ടിയെ രക്ഷപ്പെടുത്തി

പൂണെ: പൂണെയിൽ 200 അടി ആഴമുള്ള കുഴൽ കിണറിൽ കുടുങ്ങിയ കുട്ടിയെ 16 മണിക്കൂർ നീണ്ട പരിശ്രമത്തിനൊടുവിൽ രക്ഷിച്ചു. കുഴ ൽ കിണറിലേക്ക്​​ വീണ കുട്ടി 10 അടി ആഴത്തിൽ തങ്ങി നിൽക്കുകയായിരുന്നു. ദേശീയ ദുരന്തനിവാരണസേനയും പൊലീസും ചേർന്നാണ്​ രവി പണ്ഡിറ്റ്​ ബിൽ എന്ന ആറ്​ വയസുകാരനെ രക്ഷപ്പെടുത്തിയത്​.

കഴിഞ്ഞ ദിവസം വൈകുന്നേരം കളിക്കുന്നതിനിടെ കുട്ടി കുഴൽ കിണറിൽ വീഴുകയായിരുന്നു. സംഭവം നടക്കു​േമ്പാൾ കുട്ടിയുടെ അച്​ഛനും അമ്മയും പുറത്ത്​ ജോലിത്തിരക്കുകളിലായിരുന്നു. തോറാൻഡ്​ല ഗ്രാമത്തിലാണ്​ സംഭവം​​. നേരത്തെയും സമാനമായ സംഭവങ്ങൾ ഇന്ത്യയുടെ പലയിടത്തും നടന്നിരുന്നു. തമിഴ്​നാട്​, ബീഹാർ, മധ്യപ്രദേശ്​, ഗുജറാത്ത്​ എന്നിവിടങ്ങളിലും കുട്ടികൾ കുഴൽ കിണറിൽ വീണ സംഭവങ്ങൾ റിപ്പോർട്ട്​ ചെയ്യപ്പെട്ടിരുന്നു.