കശ്​മീരിലേക്കും തിരിച്ചുമുള്ള സുരക്ഷാ സേനയുടെ യാത്രക്ക്​ വിമാനം

ന്യൂഡൽഹി: പുൽവാമ ഭീകരാക്രമണത്തി​​െൻറ പശ്​ചാത്തലത്തിൽ സി.ആർ.പി.എഫ്​ ഉൾപ്പെടുന്ന സുരക്ഷ സേനയുടെ യാത്രക്കായി വ ്യോമമാർഗം ഉപയോഗിക്കാൻ തീരുമാനം. കേന്ദ്ര ആഭ്യന്തര മന്ത്രാലയമാണ്​ ഇതുമായി ബന്ധപ്പെട്ട ഉത്തരവിറക്കിയത്​. ഡൽഹ ി-ശ്രീനഗർ, ശ്രീനഗർ-ഡൽഹി, ജമ്മു-ശ്രീനഗർ, ശ്രീനഗർ-ജമ്മു തുടങ്ങിയ റൂട്ടുകളിലാണ്​ വിമാനങ്ങളിലെ സൗജന്യ യാത്ര അനുവദിക്കുക.

എല്ലാ റാങ്കിലുമുള്ള ഉദ്യോഗസ്ഥർക്കും പുതിയ സേവനം ലഭ്യമാകുമെന്ന്​ ആഭ്യന്തര മന്ത്രാലയം പുറത്തിറക്കിയ ഉത്തരവിൽ വ്യക്​തമാക്കുന്നു. ഏകദേശം 780,000 പേർക്ക്​ പദ്ധതിയുടെ ഗുണം ലഭിക്കുമെന്നാണ്​ പ്രതീക്ഷിക്കപ്പെടുന്നത്​. അവധിക്ക്​ പോകു​േമ്പാഴും തിരിച്ച്​ പോവു​േമ്പാഴും ആനുകൂല്യം ലഭ്യമാക്കും.

ഫെബ്രുവരി 14ന്​ സുരക്ഷാ സേനയുടെ വാഹനവ്യൂഹത്തിലേക്ക്​ കാർ ഇടിച്ചുകയറ്റിയാണ്​ പുൽവാമയിൽ തീവ്രവാദികൾ ഭീകരാക്രണം ഉണ്ടാക്കിയത്​. സംഭവത്തിൽ 40 പേർ കൊല്ലപ്പെട്ടിരുന്നു.