വാക്​സിനെടുത്തവർക്ക്​ ഇവി​ടത്തെ പബുകളിൽ വൻ ഡിസ്​കൗണ്ട്​

ഗുരുഗ്രാം: ജനങ്ങൾ കോവിഡ്​ വാക്​സിൻ എടുക്കുന്നത്​ പ്രോത്സാഹിപ്പിക്കാൻ വമ്പൻ ഓഫറുകൾ പ്രഖ്യാപിച്ച്​ ഹരിയാന ഗുരുഗ്രാമിലെ പബുകളും റസ്റ്ററന്‍റുകളും. കോവിഡ്​ വാക്​സിൻ സ്വീകരിച്ചവർക്കാണ്​ വൻ ഡിസ്​കൗണ്ട്​ ഉൾപ്പെടെയുള്ള ഓഫറുകൾ നൽകുക.

വാക്​സിന്‍റെ രണ്ടു ഡോസ്​ സ്വീകരിച്ചവർക്ക്​ 50 ശതമാനവും ഒറ്റ ഡോസ്​ സ്വീകരിച്ചവർക്ക്​ 25 ശതമാനവുമാണ്​ ഡിസ്​കൗണ്ട്​.

ബിസിനസ്​ ലാഭകരണമാക്കാൻ വേണ്ടി മാത്രമല്ല, സുരക്ഷ ഉറപ്പാക്കുന്നതിന്​ കൂടിയാണ്​ ഇത്തരം ഓഫറുകൾ പ്രഖ്യാപിച്ചതെന്ന്​ പബ്​ ഡയറക്​ടറായി യുദ്​വീർ സിങ്​ പറയുന്നു.

നേരത്തേ, ഗുരു​ഗ്രാമിലെ മാളിൽ കോവിഡ്​ മുൻനിര പോരാളികൾക്ക്​ പ്രത്യേക ഓഫറുകൾ പ്രഖ്യാപിച്ചിരുന്നു. ഗുരുഗ്രാമിൽ ഗ്രാമ നഗര വ്യത്യാസമില്ലാതെ വലിയ വാക്​സിനേഷൻ ക്യാമ്പുകൾ ഒരുക്കിയിരുന്നു.