10ലക്ഷത്തിനു മുകളിൽ പി.എഫ്​ പിൻവലിക്കാൻ ഒാൺലൈൻ അപേക്ഷ നിർബന്ധം

ന്യൂഡൽഹി: ​പത്തു ലക്ഷം രൂപക്കു മുകളിൽ പ്രൊവിഡൻറ്​ ഫണ്ട്​ പിൻവലിക്കണമെങ്കിൽ ഒാൺലൈനായി അപേക്ഷിക്കണമെന്ന്​ എംപ്ലോയിസ് പ്രൊവിഡൻറ്​ ഫണ്ട് ബോർഡ്. നിലവിൽ വിരമിക്കു​േമ്പാഴും ജോലി വിട്ടുപോകു​േമ്പാഴും പി.എഫുമായി ബന്ധപ്പെട്ടുണ്ടാകുന്ന ​െക്ലയിമുകൾക്ക്​ അപേക്ഷ ഫോം പൂരിപ്പിച്ച്​ നേരിട്ടു നൽകുന്ന രീതിയാണുള്ളത്​.

ഒാൺലൈൻ വഴി അപേക്ഷ നൽകാതെ 10 ലക്ഷത്തിൽ കൂടുതൽ പിൻവലിക്കാൻ  കഴിയില്ലെന്ന്​ സെൻട്രൽ പ്രെവിഡൻറ്​ ഫണ്ട്​ കമ്മീഷണർ അറിയിച്ചു. അഞ്ചു ലക്ഷത്തിൽ കൂടുതൽ ഫണ്ട്​ തിരിച്ചെടുക്കുന്നവർക്കും ഇൗ സേവനം ഉപയോഗിക്കാം. 

പി.എഫ്​ അക്കൗണ്ടും ബാങ്ക്​ അക്കൗണ്ടും ആധാറുമായി ബന്ധിച്ചവർക്ക്​ ഒാൺലൈൻ  വഴി ഫണ്ട്​ പിൻവലിക്കൽ കൂടുതൽ എളുപ്പമാകും.