കു​ടി​യേ​റ്റ​ക്കാ​രെ വോ​ട്ട​ർ​മാരാക്കാൻ നീ​ക്കം; പ്ര​തി​ഷേ​ധവുമായി ഡി.​എം.​കെ​യും സ​ഖ്യ​ക​ക്ഷി​ക​ളും രംഗത്ത്

ചെ​ന്നൈ: വ​ട​ക്കേ​ന്ത്യ​ൻ സം​സ്ഥാ​ന​ങ്ങ​ളി​ൽ​നി​ന്നു​ള്ള കു​ടി​യേ​റ്റ​ക്കാ​രെ ത​മി​ഴ്നാ​ട്ടി​ലെ വോ​ട്ട​ർ​പ​ട്ടി​ക​യി​ലു​ൾ​പ്പെ​ടു​ത്താ​നു​ള്ള തെ​ര​ഞ്ഞെ​ടു​പ്പ് ക​മീ​ഷ​ന്റെ തീ​രു​മാ​ന​ത്തെ എ​തി​ർ​ത്ത് ഡി.​എം.​കെ​യും സ​ഖ്യ​ക​ക്ഷി​ക​ളും. ബി​ഹാ​റി​ൽ നി​ന്നു​ള്ള ആ​റ​ര ല​ക്ഷം അ​തി​ഥി തൊ​ഴി​ലാ​ളി​ക​ളെ വോ​ട്ട​ർ പ​ട്ടി​ക​യി​ൽ ചേ​ർ​ത്തി​ട്ടു​ണ്ടെ​ന്ന​ത് ഞെ​ട്ടി​പ്പി​ക്കു​ന്ന​താ​ണെ​ന്ന് ഡി.​എം.​കെ ജ​ന​റ​ൽ സെ​ക്ര​ട്ട​റി​യും മ​ന്ത്രി​യു​മാ​യ എ​സ്. ദു​രൈ​മു​രു​ക​ൻ പ്ര​സ്താ​വി​ച്ചു.

ല​ക്ഷ​ക്ക​ണ​ക്കി​ന് അ​തി​ഥി തൊ​ഴി​ലാ​ളി​ക​ൾ ത​മി​ഴ്‌​നാ​ട്ടി​ൽ ജോ​ലി ചെ​യ്യു​ന്നു​ണ്ട്. ഇ​ത് സം​സ്ഥാ​ന​ങ്ങ​ളു​ടെ ത​ന​ത് സം​സ്കാ​ര​ത്തി​നും പാ​ര​മ്പ​ര്യ​ത്തി​നും നേ​രെ​യു​ള്ള വെ​ല്ലു​വി​ളി​യാ​ണെ​ന്നും അ​ദ്ദേ​ഹം പ​റ​ഞ്ഞു. ബി​ഹാ​റി​ൽ നി​ന്നു​ള്ള കു​ടി​യേ​റ്റ തൊ​ഴി​ലാ​ളി​ക​ളെ സം​സ്ഥാ​ന​ത്തെ വോ​ട്ട​ർ പ​ട്ടി​ക​യി​ലു​ൾ​പ്പെ​ടു​ത്താ​നു​ള്ള തെ​ര​ഞ്ഞെ​ടു​പ്പ് ക​മീ​ഷ​ന്റെ നീ​ക്ക​ത്തെ മു​തി​ർ​ന്ന കോ​ൺ​ഗ്ര​സ് നേ​താ​വ് പി. ​ചി​ദം​ബ​രം അ​പ​ല​പി​ച്ചു.

വോ​ട്ട​ർ​പ​ട്ടി​ക​യി​ലെ പ്ര​ത്യേ​ക തീ​വ്ര പ​രി​ഷ്ക​ര​ണ ന​ട​പ​ടി​ക​ൾ ഒ​ളി​ഞ്ഞും തെ​ളി​ഞ്ഞും ന​ട​പ്പാ​ക്കു​ന്ന​തി​ൽ ദു​രൂ​ഹ​ത​യു​ണ്ടെ​ന്ന് ഡി.​എം.​കെ നേ​താ​വ് എ. ​രാ​ജ എം.​പി അ​ഭി​പ്രാ​യ​പ്പെ​ട്ടു. തെ​ര​ഞ്ഞെ​ടു​പ്പ് ക​മീ​ഷ​നി​ലൂ​ടെ ബി.​ജെ.​പി സ​ർ​ക്കാ​ർ ആ​സൂ​ത്രി​ത​മാ​യ ജ​നാ​ധി​പ​ത്യ വി​രു​ദ്ധ ന​ട​പ​ടി​ക​ളാ​ണ് കൈ​ക്കൊ​ള്ളു​ന്ന​തെ​ന്നും എ​ല്ലാ സം​സ്ഥാ​ന​ങ്ങ​ളി​ലും വോ​ട്ട​ർ​പ​ട്ടി​ക അ​ട്ടി​മ​റി​ക്കാ​നു​ള്ള നീ​ക്കം ന​ട​ക്കു​ന്നു​ണ്ടെ​ന്നും വി​ടു​ത​ലൈ ശി​റു​തൈ​ക​ൾ ക​ക്ഷി നേ​താ​വ് ടി. ​തി​രു​മാ​വ​ള​വ​ൻ എം.​പി ആ​രോ​പി​ച്ചു.

വ​ട​ക്ക​ൻ സം​സ്ഥാ​ന​ങ്ങ​ളി​ൽ നി​ന്നു​ള്ള 80 ല​ക്ഷ​ത്തോ​ളം​പേ​ർ ത​മി​ഴ്‌​നാ​ട്ടി​ൽ സ്ഥി​ര​താ​മ​സ​മാ​ക്കി​യി​ട്ടു​ണ്ട്. ഇ​വ​രെ​യെ​ല്ലാം വോ​ട്ട​ർ​മാ​രാ​യി ഉ​ൾ​പ്പെ​ടു​ത്താ​നാ​ണ് നീ​ക്കം. ഗു​രു​ത​ര​മാ​യ ​ഈ ​പ്ര​ശ്ന​ത്തെ​ക്കു​റി​ച്ച് വി​ശ​ദ​മാ​യ ച​ർ​ച്ച ന​ട​ത്താ​ൻ സ​ർ​വ​ക​ക്ഷി യോ​ഗം വി​ളി​ക്ക​ണ​മെ​ന്ന് ത​മി​ഴ്‌​നാ​ട് മു​ഖ്യ​മ​ന്ത്രി സ്റ്റാ​ലി​നോ​ട് തി​രു​മാ​വ​ള​വ​ൻ ആ​വ​ശ്യ​പ്പെ​ട്ടു.