വനിത ഡിഫൻസ്​ ഓഫിസറെ ബലാത്സംഗം ചെയ്​തു​ കൊന്ന സംഭവത്തിൽ പ്രതിഷേധം

ന്യൂഡൽഹി: ഡൽഹിയിലെ വനിത സിവിൽ ഡിഫൻസ്​ ഒാഫിസ​െറ ബലാത്സംഗം ചെയ്​തു​ കൊല​പ്പെടുത്തിയ സംഭവത്തിൽ നീതി തേടി മീറത്തിൽ നിന്ന്​ അവരുടെ സമുദായം ഡൽഹിയിലെത്തി. സിവിൽ ഡിഫൻസ്​ ഒാഫിസ​റുടെ ആൺസുഹൃത്താണ്​ അവരെ തട്ടിക്കൊണ്ടുപോയി ബലാത്സംഗം ചെയ്​ത്​ കൊലപ്പെടുത്തിയതെന്നാണ്​ പൊലീസ്​ കേസ്​.

തന്നെ ഒഴിവാക്കി മ​െറ്റാരാളുമായി സൗഹൃദത്തിലായതാണ്​ കൊലക്കു​ കാരണമെന്നാണ്​ ആൺസുഹൃത്ത്​ പൊലീസിനോടു​ പറഞ്ഞത്​. ആഗസ്​റ്റ്​ 27ന്​ ലജ്​പത്​ നഗറിൽ നിന്ന്​ വനിത ഓഫിസറെ തട്ടിക്കൊണ്ടുപോയത്​ ഹരിയാനയിലെ സൂരജ്​കുണ്ഡിലേക്കാണെന്ന്​ പൊലീസ്​ പറഞ്ഞു. അവിടെ വെച്ച്​​ കൊലപ്പെടുത്തുകയായിരുന്നു. പിന്നീട്​ കാളിന്ദികുഞ്ച്​ പൊലീസ്​ സ്​റ്റേഷനിൽ ആൺസുഹൃത്ത്​ കീഴടങ്ങി.

വനിത ഓഫിസറെ രഹസ്യമായി വിവാഹം ചെയ്​തിരുന്നുവെന്ന ആൺസുഹൃത്തി​െൻറ വാദം കുടുംബം തള്ളുകയാണ്​. ഡൽഹിയിൽ നടന്ന ക്രൂരമായ കൊലപാതകത്തിൽ ഡൽഹി പൊലീസ്​ പുലർത്തിയ നിശ്ശബ്​ദതക്കെതിരെ സമൂഹ മാധ്യമങ്ങളിൽ വൻ പ്രതിഷേധമുയർന്നു. ഓൾ ഇന്ത്യ മജ്​ലിസെ ഇത്തിഹാദുൽ മുസ്​ലിമീൻ നേതാവ്​ അസദുദ്ദീൻ ഉവൈസി സംഭവത്തിൽ പ്രതിഷേധിച്ചു.