കമാനത്തിലിടിച്ച് എഞ്ചിനീയർ മരിച്ച സംഭവം; തമിഴ്​നാട്ടിൽ പ്രതിഷേധം​ 

ചെന്നൈ: പ്രതിശ്രുത വധുവി​െന കാണാൻ അമേരിക്കയിൽ നിന്ന്​ നാട്ടിലെത്തിയ സോഫ്​റ്റ്​വയർ എഞ്ചിനീയർ രഘുപതി കന്ദസാമി എന്ന രഘു അപകടത്തിൽ പെട്ട്​ മരിച്ചു. രഘു യാത്ര ​ചെയ്​ത ബൈക്ക്​ റോഡിൽ നിയമവിരുദ്ധമായി സ്​ഥാപിച്ച വലിയ കമാനത്തിലിടിച്ച്​ മറിയുകയും ശരീരത്തിലൂടെ ട്രക്ക്​ ​കയറിയിറങ്ങി  മരിക്കുകയുമായിരുന്നു. 

ഭരണകക്ഷിയായ എ.​െഎ.എ.ഡി.എം.കെ, നടനും മുൻ മുഖ്യമന്ത്രിയുമായ എം.ജി.ആറി​​​െൻറ ജന്മശതാബ്​ദി ആഘോഷത്തി​​​െൻറ ഭാഗമായി സ്​ഥാപിച്ച ഭീമൻ കമാനത്തിലാണ്​ രഘുവി​​​െൻറ ബൈക്കിടിച്ചത്​. ഞായറാഴ്​ച അമേരിക്കയിലേക്ക്​ മടങ്ങി പോവാനിരുന്നതായിരുന്നു​ രഘു. വലിയ കമാനത്തി​​​െൻറ റോഡിലേക്ക്​ തള്ളിയിരിക്കുന്ന ഭാഗത്ത്​ തട്ടിയാണ്​ രഘു തെറിച്ച്​ വീണതെന്ന്​ പൊലീസ്​ പറഞ്ഞു.

സംഭവവുമായി ബന്ധപ്പെട്ട്​ സോഷ്യൽമീഡിയയിൽ വൻ പ്രതിഷേധമാണ്​ ഉയരുന്നത്​​. രഘു മരിച്ച സ്​ഥലത്തുള്ള റോഡിൽ ​'ഹു കിൽഡ്​ രഘു' എന്ന്​ വലിയ അക്ഷരത്തിൽ വെള്ള പെയിൻറ്​ കൊണ്ട്​ പ്രതിഷേധക്കാർ എഴുതിയിട്ടുണ്ട്. പൊതുപ്രവർത്തകരും സമൂഹത്തിലെ മറ്റ്​ പ്രമുഖരും സർക്കാറിനെയും പൊലീസിനെയും കുറ്റപ്പെടുത്തി ര​ംഗത്ത്​ വരികയും ചെയ്​തു. 

കോയമ്പത്തൂരിൽ നിയമവിരുദ്ധമായി സർക്കാർ സ്​ഥാപിച്ച എല്ലാ കമാനങ്ങളും നീക്കം ചെയ്യണമെന്ന്​ ഡി.എം.കെ വർകിങ്​ പ്രസിഡൻറ്​ എം.കെ സ്​റ്റാലിൻ ആവശ്യപ്പെട്ടു.

ജനങ്ങളുടെ ജീവന്​ വില കൊടുക്കാത്ത സർക്കാറിന്​ അധികകാലം സുഖമമായി ഭരിക്കാൻ സാധിക്കുകയില്ലെന്നും അധികാരവും യശസ്സും ഉയർത്താൻ വേണ്ടി മനുഷ്യജീവൻ ബലി കൊടുക്കുന്ന ഒരു ഭരണവ്യവസ്​ഥയും നിലനിൽക്കില്ലെന്നും നടൻ കമൽഹാസൻ ട്വീറ്റ്​ ചെയ്​തു.

നിയവിരുദ്ധമായി സ്​ഥാപിച്ച എല്ലാ കമാനങ്ങളും നീക്കം ചെയ്യാൻ കോയമ്പത്തൂർ കോർപറേഷൻ കമീഷ​ണർ  ശനിയാഴ്​ച ഉത്തരവിട്ടിരുന്നു.