മണിപ്പൂരിൽ ആരാധനാലയങ്ങളുടെ സംരക്ഷണം: നടപടികൾ അറിയിക്കണമെന്ന് സുപ്രീംകോടതി

ന്യൂ​ഡ​ൽ​ഹി: വം​ശീ​യ സം​ഘ​ർ​ഷം 170 പേ​രു​ടെ ജീ​വ​നെ​ടു​ത്ത മ​ണി​പ്പൂ​രി​ൽ ആ​രാ​ധ​നാ​ല​യ​ങ്ങ​ളു​ടെ സം​ര​ക്ഷ​ണ​ത്തി​ന് സ്വീ​ക​രി​ച്ച ന​ട​പ​ടി​ക​ളെ​ക്കു​റി​ച്ച് സം​സ്ഥാ​ന സ​ർ​ക്കാ​ർ വി​ശ​ദീ​ക​ര​ണം ന​ൽ​ക​ണ​മെ​ന്ന് സു​​പ്രീം​കോ​ട​തി. സം​ഘ​ർ​ഷ​ത്തി​ൽ ത​ക​ർ​ക്ക​പ്പെ​ട്ട എ​ല്ലാ ആ​രാ​ധ​നാ​ല​യ​ങ്ങ​ളു​ടെ​യും പ​ട്ടി​ക ര​ണ്ടാ​ഴ്ച​ക്ക​കം സു​പ്രീം​കോ​ട​തി നി​യോ​ഗി​ച്ച സ​മി​തി മു​മ്പാ​കെ സ​മ​ർ​പ്പി​ക്ക​ണ​മെ​ന്നും ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ ബെ​ഞ്ച് ആ​വ​ശ്യ​പ്പെ​ട്ടു.

മു​ൻ ഹൈ​കോ​ട​തി ജ​ഡ്ജി​മാ​രാ​യ ജ​സ്റ്റി​സ് ഗീ​ത മി​ത്ത​ൽ, ശാ​ലി​നി പി. ​ജോ​ഷി, ആ​ശ മേ​നോ​ൻ എ​ന്നി​വ​ര​ട​ങ്ങു​ന്ന​താ​ണ് സ​മി​തി. ത​ക​ർ​ക്ക​പ്പെ​ടു​ക​യോ കേ​ടു​പാ​ട് സം​ഭ​വി​ക്കു​ക​യോ ചെ​യ്ത ആ​രാ​ധ​നാ​ല​യ​ങ്ങ​ളു​ടെ പു​ന​രു​ദ്ധാ​ര​ണ​ത്തി​നു​ള്ള നി​ർ​ദേ​ശ​ങ്ങ​ൾ സ​മി​തി സു​​​പ്രീം​കോ​ട​തി​ക്ക് കൈ​മാ​റ​ണം. അ​ന​ധി​കൃ​ത സ്ഥ​ലം കൈ​യേ​റ്റം ഉ​ൾ​പ്പെ​ടെ വി​ഷ​യ​ങ്ങ​ളി​ൽ ഇ​ട​പെ​ടാ​ൻ സ​മി​തി​ക്ക് അ​ധി​കാ​ര​മു​ണ്ടാ​കും.

സ​മി​തി​യു​ടെ ഇ​ട​ക്കാ​ല നി​ർ​ദേ​ശ​ങ്ങ​ൾ എ​ത്ര​യും പെ​ട്ടെ​ന്ന് പ്രാ​വ​ർ​ത്തി​ക​മാ​ക്കാ​ൻ സം​സ്ഥാ​ന സ​ർ​ക്കാ​റും ഡി.​ജി.​പി​യും ഇ​ട​പെ​ട​ണം. അ​ഭ​യാ​ർ​ഥി ക്യാ​മ്പു​ക​ളി​ൽ ക​ഴി​യു​ന്ന​വ​ർ​ക്ക് ക്രി​സ്മ​സ് ആ​ഘോ​ഷ​ത്തി​ന് സൗ​ക​ര്യ​മൊ​രു​ക്കു​മെ​ന്ന് കേ​ന്ദ്ര സ​ർ​ക്കാ​റി​നു​​വേ​ണ്ടി ഹാ​ജ​രാ​യ ​സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത സു​പ്രീം​കോ​ട​തി​യെ അ​റി​യി​ച്ചു.