Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഅയോധ്യയിൽ ഉയരുന്ന...

അയോധ്യയിൽ ഉയരുന്ന മസ്ജിദിന്​ പ്രത്യേകതകളേറെ-ആശുപത്രി, മതമൈത്രി മ്യൂസിയം, ലൈബ്രറി, സമൂഹ അടുക്കള...

text_fields
bookmark_border
അയോധ്യയിൽ ഉയരുന്ന മസ്ജിദിന്​ പ്രത്യേകതകളേറെ-ആശുപത്രി, മതമൈത്രി മ്യൂസിയം, ലൈബ്രറി, സമൂഹ അടുക്കള...
cancel
camera_alt

അയോധ്യയിലെ നിർദ്ദിഷ്​ട മസ്​ജിദിന്‍റെ രൂപരേഖ

ന്യുഡൽഹി: 300 കിടക്കകളുള്ള മൾട്ടി സെപ്​ഷാലിറ്റി ആശുപത്രി, ദിവസം രണ്ടുനേരം സൗജന്യ ഭക്ഷണം വിളമ്പുന്ന സമൂഹ അടുക്കള, ഹിന്ദു-മുസ്​ലിം സംസ്​കൃതി വിവരിക്കുന്ന മ്യൂസിയം, ഇന്ത്യയിലെ ഇസ്​ലാമിക സംസ്​കാരവും സാഹിത്യവും സംബന്ധിച്ച പഠനത്തിന്​ ഗവേഷണ സൗകര്യമുള്ള ലൈബ്രറി, പുസ്​തക പ്രസാധനശാല.... ഇങ്ങനെ പ്രത്യേകതകൾ ഏറെയാണ്​ അയോധ്യയിൽ നിർമിക്കാനിരിക്കുന്ന നിർദ്ദിഷ്​ട മസ്​ജിദ്​ സമുച്ചയത്തിന്​.

സുപ്രീം കോടതി വിധിയുടെ അടിസ്ഥാനത്തിൽ അയോധ്യയിൽ നിർമിക്കുന്ന മസ്ജിദിന്‍റെ രൂപരേഖ ഇ​ന്തോ ഇസ്‌ലാമിക് കൾചറൽ ഫൗണ്ടേഷൻ (ഐ.ഐ.സി.എഫ്) പുറത്തിറക്കി. ധന്നിപ്പുർ ഗ്രാമത്തിൽ സർക്കാർ അനുവദിച്ച അഞ്ച്​ ഏക്കർ ഭൂമിയിലാണ്​ സമുച്ചയം ഉയരുക. പരമ്പരാഗത ശൈലിയിൽ നിന്ന്​ ഭിന്നമായി ആധുനിക രീതിയിലാണ്​ മസ്​ജിദ്​ രൂപകൽപന ചെയ്​തിരിക്കുന്നത്​. വൃത്താകൃതിയിലുള്ള മസ്​ജിദിൽ രണ്ട്​ നിലയിലായി രണ്ടായിരം പേർക്ക്​ നമസ്​കരിക്കാനുള്ള സൗകര്യമാണ്​ ഉണ്ടാകുക.


1700 ചതുരശ്ര മീറ്റർ ചുറ്റളവിലാണ്​ മസ്​ജിദ്​ നിർമിക്കുന്നത്​. കാലോചിത രീതിയിലുള്ള രണ്ട്​ മിനാരങ്ങളും ഗ്ലാസ്​ താഴികക്കുടവുമുണ്ട്​. പൂർണമായും സൗരോർജം ഉപയോഗിക്കുന്നതിനാൽ 'സീറോ എനർജി' ആയിരിക്കും മസ്​ജിദിന്‍റെ മറ്റൊരു സവിശേഷത. മസ്​ജിദിന്​ ചുറ്റും ലോകത്തിന്‍റെ വിവിധ ഭാഗങ്ങളിൽ നിന്നുള്ള മരങ്ങൾ വെച്ചുപിടിപ്പിക്കാനും പദ്ധതിയുണ്ട്​.

യു.പി കേന്ദ്ര സുന്നി വഖഫ് ബോർഡ്​ രൂപവത്​കരിച്ച ഐ.ഐ.സി.എഫിന്‍റെ മേൽനോട്ടത്തിലാണ്​ മസ്​ജിദ്​ നിർമിക്കുക. ജാമിഅ മില്ലിഅ സ്കൂൾ ഓഫ് ആർകിടെക്ചറിലെ ഡീൻ സയ്യിദ് മുഹമ്മദ് അക്തറാണ് രൂപരേഖ തയാറാക്കിയത്. നിർമാണങ്ങൾക്ക് 2021ലെ റിപ്പബ്ലിക് ദിനത്തിൽ തുടക്കമിടാനാണ്​ ആലോചനയെന്ന്​ ഐ.ഐ.സി.എഫ് സെക്രട്ടറി അത്താർ ഹുസൈൻ പറഞ്ഞു.

'ആദ്യഘട്ടത്തിൽ മസ്​ജിദ്​ മാത്രമാണ്​ നിർമിക്കുന്നത്​. ആശുപത്രിയും മറ്റും രണ്ടാംഘട്ടത്തിലാണ്​. മസ്​ജിദിന്​ തകർക്കപ്പെട്ട ബാബരി മസ്​ജിദിനേക്കാൾ വലിപ്പമുണ്ടാകുമെങ്കിലും രൂപത്തിൽ സാമ്യത ഉണ്ടാകില്ല. മസ്​ജിദിന്‍റെ പേര്​ ഇനിയും തീരുമാനിച്ചില്ല. പക്ഷേ, അ​െതാരിക്കലും ഒരു രാജാവിന്‍റെയോ ചക്രവർത്തിയുടെയോ പേരിലായിരിക്കില്ല ' അദ്ദേഹം പറഞ്ഞു.


പോഷകാഹാരക്കുറവുമൂലം രോഗങ്ങളുള്ള കുട്ടികൾക്കും ഗർഭിണികൾക്കുമുൾപ്പെടെ സമീപ്രദേശങ്ങളിലുള്ളവർക്ക് പ്രയോജനപ്പെടുന്ന രീതിയിലാണ്​ ആശുപത്രി വിഭാവനം ചെയ്​തിരിക്കുന്നത്​. സാമൂഹികസേവനം മാത്രമല്ല, സമുദായങ്ങൾ തമ്മിലുള്ള വിടവ് നികത്തുകയെന്നതും സമുച്ചയത്തിന്‍റെ ലക്ഷ്യമാണെന്ന്​ അത്താർ ഹുസൈൻ വ്യക്​തമാക്കി. ഭാവിയിൽ ആശുപത്രിയോട്​ ചേർന്ന് നഴ്​സിങ്​-പാരാമെഡിക്കൽ കോളജും നിർമിക്കാൻ ആലോചനയുണ്ട്​.

രാജ്യത്തെ ഹിന്ദു-മുസ്​ലിം സംസ്​കൃതിയുടെയും സൗഹൃദത്തിന്‍റെയും സവിശേഷതകൾ വിളിച്ചോതുന്ന മ്യൂസിയം മസ്​ജിദ്​ സമുച്ചയത്തിന്‍റെ ഭാഗമായി നിർമിക്കണമെന്ന ആശയം മുന്നോട്ടുവെച്ചത്​ പ്രഫസർ പുഷ്​പേഷ്​ പന്ത്​ ആണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Ayodhya New mosqueProposed mosque in Ayodhya
Next Story