മുസ്‍ലിംകളെ കുറിച്ചുള്ള ചോദ്യം ഉൾപ്പെടുത്തി; പ്രഫസർക്ക് സസ്​പെൻഷൻ

ന്യൂ​ഡ​ൽ​ഹി: ‌ചോ​ദ്യ​​പേ​പ്പ​റി​ൽ ഇ​ന്ത്യ​യി​ലെ മു​സ്‌​ലിം​ക​ൾ​ക്കെ​തി​രാ​യ അ​തി​ക്ര​മ​ങ്ങ​ളെ​ക്കു​റി​ച്ചു​ള്ള ചോ​ദ്യം ഉ​ൾ​പ്പെ​ടു​ത്തി​യ​തി​ന് അ​ധ്യാ​പ​ക​നെ സ​സ്​​പെ​ൻ​ഡ് ചെ​യ്ത​തി​ൽ ജാ​മി​അ മി​ല്ലി​യ സ​ർ​വ​ക​ലാ​ശാ​ല അ​ധി​കൃ​ത​ർ​ക്കെ​തി​രെ പ്ര​തി​ഷേ​ധ​വു​മാ​യി വി​ദ്യാ​ർ​ഥി സം​ഘ​ട​ന​ക​ൾ. ബി.​എ ഒ​ന്നാം​വ​ർ​ഷ സോ​ഷ്യ​ൽ വ​ർ​ക്ക് ഒ​ന്നാം സെ​മ​സ്റ്റ​ർ പ​രീ​ക്ഷ​യി​ലെ ‘ഇ​ന്ത്യ​യി​ലെ സാ​മൂ​ഹി​ക പ്ര​ശ്ന​ങ്ങ​ൾ’ എ​ന്ന പേ​പ്പ​റി​ൽ ‘ഇ​ന്ത്യ​യി​ൽ മു​സ്‌​ലിം​ക​ൾ​ക്കെ​തി​രാ​യ അ​തി​ക്ര​മ​ങ്ങ​ൾ ഉ​ദാ​ഹ​ര​ണ​ങ്ങ​ൾ സ​ഹി​തം വി​ശ​ദീ​ക​രി​ക്കു​ക’ എ​ന്ന ചോ​ദ്യം ന​ൽ​കി​യ​തി​ന് പ്ര​ഫ​സ​ർ വീ​രേ​ന്ദ്ര ബാ​ലാ​ജി ഷ​ഹാ​രെ​യെ​യാ​ണ് ചൊ​വ്വാ​ഴ്ച രാ​ത്രി സ​ർ​വ​ക​ലാ​ശാ​ല സ​സ്പെ​ൻ​ഡ്‌ ചെ​യ്ത​ത്.

അ​ധ്യാ​പ​ക​ന്റെ ഭാ​ഗ​ത്തു​നി​ന്ന് ഗു​രു​ത​ര​മാ​യ വീ​ഴ്ച​യും അ​ശ്ര​ദ്ധ​യും ഉ​ണ്ടാ​യ​താ​യി ജാ​മി​അ മി​ല്ലി​യ ര​ജി​സ്ട്രാ​ർ പു​റ​ത്തി​റ​ക്കി​യ സ​സ്​​പെ​ൻ​ഷ​ൻ ഉ​ത്ത​ര​വി​ൽ പ​റ​യു​ന്നു. ചോ​ദ്യം ഉ​ൾ​പ്പെ​ടു​ത്തി​യ​ത് സം​ബ​ന്ധി​ച്ച് നി​ര​വ​ധി പ​രാ​തി​ക​ൾ വ​ന്ന​തി​ന് പി​ന്നാ​ലെ​യാ​ണ് ന​ട​പ​ടി​യെ​ന്നും വീ​രേ​ന്ദ്ര ബാ​ലാ​ജി​ക്കെ​തി​രെ പൊ​ലീ​സി​ൽ പ​രാ​തി ന​ൽ​കു​മെ​ന്നും സ​ർ​വ​ക​ലാ​ശാ​ല വ്യ​ക്ത​മാ​ക്കി. അ​തേ​സ​മ​യം, അ​ധ്യാ​പ​ക​ന് ഐ​ക്യ​ദാ​ർ​ഢ്യ​വു​മാ​യി കാ​മ്പ​സി​ൽ വി​ദ്യാ​ർ​ഥി സം​ഘ​ട​ന​ക​ൾ പ്ര​തി​ഷേ​ധ റാ​ലി ന​ട​ത്തി.

ഐ​സ, എ​സ്.​എ​ഫ്.​ഐ, എം.​എ.​എ​സ്.​എ​ഫ്, ഫ്ര​റ്റേ​ണി​റ്റി മൂ​വ്മെ​ന്റ്, എ​സ്.​ഐ.​ഒ തു​ട​ങ്ങി​യ ഒ​മ്പ​തോ​ളം സം​ഘ​ട​ന​ക​ളാ​ണ് പ്ര​തി​ഷേ​ധ​വു​മാ​യി രം​ഗ​ത്തു​വ​ന്ന​ത്. ജാ​മി​അ മി​ല്ലി​യ ആ​ർ.​എ​സ്.​എ​സ് ശാ​ഖ​യ​ല്ലെ​ന്നും അ​ധ്യാ​പ​ക​​ന്റെ സ​സ്​​പെ​ൻ​ഷ​ൻ ഉ​ട​ൻ പി​ൻ​വ​ലി​ക്ക​ണ​മെ​ന്നും ഫ്ര​റ്റേ​ണി​റ്റി മൂ​വ്മെ​ന്റ് ആ​വ​ശ്യ​പ്പെ​ട്ടു.