ഗോമൂത്രവും ഹോമിയോയും കൊണ്ട് കൊറോണ​ നേരിടാനാവില്ല; ഇന്ത്യക്ക്​ മുന്നറിയിപ്പുമായി സ്​റ്റീവ്​ ഹാൻകേ

ന്യൂയോർക്ക്​: ഇന്ത്യയിൽ വെറും 113 കൊറോണ കേസ്​ മാത്രം റിപ്പോർട്ട്​ ചെയ്​തതിൽ അവിശ്വസനീയതയുമായി പ്രമുഖ അമേരിക്കൻ സാമ്പത്തിക ശാസ്​ത്രജ്ഞനും അക്കാമദിക്​ വിദഗ്​ധനുമായ പ്രൊഫസർ സ്​റ്റീവ്​​ ഹ​ാ​​​ൻകേ.

For a population of its size, #India has only reported 113 cases. This is hard to believe. Testing is not widespread, & #Modi's #BJP leaders tout phony treatments like #Homeopathy & #CowUrine. This is a recipe for disaster. #CoronavirusIndia.https://t.co/AJwCdORj4E

— Prof. Steve Hanke (@steve_hanke) March 16, 2020

കൊറോണ വൈറസിനെ നേരിടുന്നതിൽ ഇന്ത്യയുടെ ആശങ്കകൾ വിവരിക്കുന്ന ടൈം ഡോട്ട്​കോമി​​െൻറ ലേഖനം ഷെയർ ചെയ്​താണ്​ ഹാൻകേ ത​​െൻറ ആശങ്ക പങ്ക​ുവെച്ചത്​.

വലിയ ജനസംഖ്യയുള്ള ഇന്ത്യയിൽ കുറഞ്ഞ കേസുകൾ റിപ്പോർട്ട്​ ചെയ്​തതിൽ അവിശ്വസനീയത രേഖപ്പെടുത്തിയ ഹാൻകേ ടെസ്​റ്റിങ്​ വ്യാപകമാക്കാത്തതുകൊണ്ടാണ്​ ഇതെന്നും​ അഭിപ്രായപ്പെട്ടു. മോദിയുടെ ബി.ജെ.പി നേതാക്കൾ ഹോമിയോപതിയും ഗോമൂത്രവും പോലുള്ള വ്യാജ ചികിത്സകൾ പ്രചരിപ്പിക്കുകയാണ്​. ഇത്​ വലിയ ദുരന്തത്തിലേക്ക്​ വഴിവെക്കുമെന്നുള്ള മുന്നറിയിപ്പും ഹാൻകേ പങ്കുവെച്ചു.