പ്രഫ.ഇംതിയാസ് അഹ്മദ് അന്തരിച്ചു

ന്യൂഡൽഹി: പ്രശസ്ത സാമൂഹിക ശാസ്ത്രജ്ഞനും ഗ്രന്ഥകാരനുമായ പ്രഫ. ഇംതിയാസ് അഹ്മദ് (83) അന്തരിച്ചു. ഡൽഹി സർവകലാശാല, യു.എസിലെ മിസോറി സർവകലാശാല, ജവഹർ ലാൽ നെഹ്റു സർവകലാശാല എന്നിവിടങ്ങളിൽ സോഷ്യോളജി അധ്യാപകനായിരുന്നു.

ഇന്ത്യൻ മുസ്ലീംകൾക്കിടയിലെ ജാതി -സാമൂഹിക വ്യത്യാസങ്ങൾ, മുസ്ലിം ശാക്തീകരണം, വിദ്യാഭ്യാസ മേഖലയിലെ സ്ത്രീ മുന്നേറ്റം തുടങ്ങിയ വിഷയങ്ങളിലെ രചനകൾ അന്താരാഷ്ട്ര തലത്തിൽ ശ്രദ്ധിക്ക പെട്ടു. ഗുജറാത്ത് വംശഹത്യക്കെതിരെ ആദ്യമായി രംഗത്തു വന്ന അക്കാദമീഷ്യൻ മാരുടെ കൂട്ടത്തിലും പ്രഫസർ ഇംതിയാസ് ഉണ്ടായിരുന്നു.