പോളിയോ തുള്ളിമരുന്നിലെ വൈറസ്​: വാക്​സിൻ നൽകിയ കുട്ടികളെ കണ്ടെത്താൻ നിർദേശം

ന്യൂ​ഡ​ൽ​ഹി: പോ​ളി​യോ തു​ള്ളി​മ​രു​ന്നി​ൽ (ഒ.​പി.​വി) ലോ​ക​ത്ത്​ നി​ർ​മാ​ർ​ജ​നം ചെ​യ്​​തെ​ന്ന്​ അ​വ​കാ​ശ​പ്പെ​ട്ട പ്ര​ത്യേ​ക വൈ​റ​സ്​ ക​ണ്ടെ​ത്തി​യ സം​ഭ​വ​ത്തെ തുടർന്ന്​ പ്രസ്​തുത വാക്​സിൻ നൽകിയ കുട്ടികളെ കണ്ടെത്താൻ ആ​രോ​ഗ്യ മ​ന്ത്രാ​ല​യം ഉത്തർപ്രദേശിലെ പോളിയോ മേൽനോട്ട സമിതിക്ക്​ നിർദേശം നൽകി. വാക്​സിൻ നൽകിയ മുഴുവൻ കുട്ടികളെയും കണ്ടെത്തി അവരിൽ വൈറസ്​ എങ്ങനെ പെരുമാറുന്നു എന്ന്​ കണ്ടെത്താനാണ്​ മന്ത്രാലയം സമിതിക്ക്​ നിർദേശം നൽകിയത്​.

ഗാ​സി​യാ​ബാ​ദ്​ കാ​വി ന​ഗ​റി​ലെ ബ​യോമെ​ഡ്​ പ്രൈ​വ​റ്റ്​ ലി​മി​റ്റ​ഡ്​ എ​ന്ന ഫാ​ർ​മ​സ്യൂ​ട്ടി​ക്ക​ൽ ക​മ്പ​നി നി​ർ​മി​ച്ച വാ​ക്​​സി​നി​ലാ​ണ്​ ആ​രോ​ഗ്യ​ത്തി​ന്​ ഭീ​ഷ​ണി​യാ​യ ടൈ​പ്​​-2 വൈ​റ​സ്​ ക​ണ്ടെ​ത്തി​യ​ത്. ക​മ്പ​നി മാ​നേ​ജി​ങ്​ ഡ​യ​റ​ക്​​ട​റെ ശ​നി​യാ​ഴ്​​ച ഗാ​സി​യാ​ബാ​ദ്​ പൊ​ലീ​സ്​ അ​റ​സ്​​റ്റ്​ ചെ​യ്​​തിരുന്നു. ബാ​ക്കി​യു​ള്ള നാ​ല്​ ഡ​യ​റ​ക്​​ട​ർ​മാ​ർ​ക്കാ​യി അ​ന്വേ​ഷ​ണം ന​ട​ക്കു​ന്നു​ണ്ട്. കേ​ന്ദ്ര സ​ർ​ക്കാ​ർ 2016ൽ ​നി​ർ​മാ​ർ​ജ​നം ചെ​യ്​​തെ​ന്ന്​ അ​വ​കാ​ശ​പ്പെ​ട്ട വൈ​റ​സാ​ണി​ത്.

വാക്​സി​​​െൻറ നി​ർ​മാ​ണ​വും വി​ൽ​പ​ന​യും വി​ത​ര​ണ​വും നി​ർ​ത്തി​വെ​ക്കാ​ൻ ഇ​ന്ത്യ​ൻ ഡ്ര​ഗ്​ ക​ൺ​ട്രോ​ള​ർ ജ​ന​റ​ൽ ക​മ്പ​നി​യോ​ട്​ നി​ർ​ദേ​ശി​ച്ചിട്ടുണ്ട്​. ഉ​ത്ത​ർ​പ്ര​ദേ​ശി​ൽ പോളിയോ വാക്​സിൻ എടുത്ത ചി​ല കു​ട്ടി​ക​ളി​ൽ അ​ണു​ബാ​ധ ക​ണ്ടെ​ത്തി​യ​തി​നെ തു​ട​ർ​ന്ന്​ ന​ട​ത്തി​യ പ​രി​ശോ​ധ​ന​യി​ലാ​ണ്​ ടൈ​പ്-2 വൈ​റ​സ്​ ക​ണ്ടെ​ത്തി​യ​ത്. തുടർന്ന്​ നടന്ന പരിശോധനയിൽ വൈറസ്​ സാന്നിധ്യം സ്ഥിരീകരിച്ചു.