Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightനാഭാ ജയിലാക്രമണം:...

നാഭാ ജയിലാക്രമണം: അന്വേഷണത്തിന്​ ഉത്തരവ്​

text_fields
bookmark_border
നാഭാ ജയിലാക്രമണം: അന്വേഷണത്തിന്​ ഉത്തരവ്​
cancel

അമൃത്സര്‍: നാഭാ ജയില്‍ ആക്രമിച്ച്​ സായുധ സംഘം അഞ്ചുപേരെ മോചിപ്പിച്ച സംഭവത്തിൽ അന്വേഷണത്തിന്​ പഞ്ചാബ്​ സർക്കാർ ഉത്തരവിട്ടു. ജയിൽ എ.ഡി.ജി.പി എം.കെ തിവാരിയെ സസ്​​പെൻറ്​ ​ചെയ്യുകയും ജയിൽ സുരക്ഷാ ചുമതലയുള്ള സൂപ്രണ്ടിനെയും ഡെപ്യൂട്ടി സൂപ്രണ്ടിനെ പുറത്താക്കുകയും ​ ചെയ്​തിട്ടുണ്ട്​. സംഭവത്തിൽ പ്രാഥമിക അന്വേഷണം നടത്തി റിപ്പോർട്ട്​ സമർപ്പിക്കാൻ ആഭ്യന്തര വകുപ്പ്​ ചീഫ്​ സെക്രട്ടറി ജഗ്​പാൽ സിങ്ങിനോടും സർക്കാർ ആവശ്യപ്പെട്ടിട്ടുണ്ട്​.

പകരം റെയിൽവെ എ.ഡി.ജി.പി രോഹിത്​ ചൗധരി​യെ ജയിൽ എ.ഡി.ജി.പിയായും എസ്.​ ഭൂപതിയെ പുതിയ ജയിൽ സൂപ്രണ്ടായും സർക്കാർ നിയമിച്ചു.

ഞായറാഴ്​ച രാവിലെ ഒമ്പതു മണിയോടെയാണ്​ സംഭവം. പൊലീസ് യൂണിഫോമിലെത്തിയ സംഘം തുരുതുരെ വെടിയുതിർത്ത്​ അരക്ഷിതാവസ്ഥ സൃഷ്ടിച്ച ശേഷമാണ് ജയിലിൽ തകർത്ത്​ ഇയാളെ മോചിപ്പിക്കുകയായിരുന്നു.

പൊലീസിന് നേരെ ഇവര്‍ 100 റൗണ്ടോളം വെടിയുതിര്‍ത്ത്​ പ്രതിരോധിച്ച്​ പുറത്തുകടന്നുവെന്നണ്​ വിവരം. ഖാലിസ്താന്‍ നേതാവിനൊപ്പം രക്ഷപ്പെട്ടത് അധോലോക സംഘത്തിലെ നാലുപേരാണ്​. ഗുര്‍പ്രീത് സിങ്, വിക്കി ഗോന്ദ്ര, നിതിന്‍ ദിയോള്‍, വിക്രംജീത് സിങ് വിക്കി എന്നിവരാണ് മോചിക്കപ്പെട്ടത്​.

നിരവധി ഭീകരവാദ കേസുകളിൽ പ്രതിയായ ഹർമിന്ദർ സിങ്ങിനെ 2014 ൽ ഡൽഹിയിലെ ഇന്ദിരാഗാന്ധി രാജ്യാന്തര വിമാനത്തവളത്തിൽ നിന്നാണ് പഞ്ചാബ് പൊലീസ് പിടികൂടിയത്.

പത്തോളം ഭീകരവാദ കേസുകളിൽ പ്രതിയാണ് ഇയാൾ. നാഭാ ജയിലിൽ കൂടുതൽ പൊലീസുകാരെ വിന്യസിച്ചു. സംഭവത്തിൽ അന്വേഷണം ആരംഭിച്ചു. സംസ്ഥാനത്ത്​ ജാഗ്രതാ നിർദേശം നൽകിയിട്ടുണ്ട്

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:nabha jail
News Summary - Probe ordered after 10 gunmen break into Punjab jail
Next Story