‘രാജ്യത്തെ ഒറ്റുകൊടുത്തവരെ വെടിവെക്കൂ...’; ജാമിഅയിലേക്ക് പ്രതിഷേധം, സംഘർഷാവസ്​ഥ

ന്യൂഡൽഹി: ‘രാജ്യത്തെ ഒറ്റുകൊടുത്തവരെ വെടിവെക്കൂ...’ എന്ന മുദ്രാവാക്യമുയർത്തി ഒരു കൂട്ടം ആളുകൾ ജാമിഅ മില്ലിയ സർവകലാശാലയിലേക്ക്​ മാർച്ച്​ നടത്തി. സർവകലാശാല പരിസരത്ത്​ ​ശക്​തമായ പൊലീസ്​ കാവൽ നിലനിൽക്കെയാണ്​ പ്രതിഷേധവ ുമായി ഒരു സംഘം രംഗത്തെത്തിയത്​.

രോഷാകുലരായ പ്രതിഷേധക്കാരെ പൊലീസ് തടഞ്ഞു.

പൗരത്വ നിയമത്തിനെതിരെ പ്രതിഷേധിക്കുന്ന ജാമിഅ സർവകലാശാല വിദ്യാർഥികൾക്കു നേരെ കഴിഞ്ഞ ദിവസം വെടിവെപ്പ് നടന്നിരുന്നു. ​ഇതിനുപിന്നാലെയാണ് സർവകലാശാലയിലേക്ക് പ്രകോപനപരമായ മുദ്രാവാക്യവുമായി സംഘമെത്തിയത്.

അഞ്ച്​ ദിവസത്തിനിടെ മൂന്ന്​ തവണയാണ് ജാമിഅയിലും ശാഹീൻബാഗിലും പൗരത്വ ഭേദഗതി നിയമത്തിനെതിരെ പ്രതിഷേധിക്കുന്നവർക്കെതിരെ വെടിവെപ്പുണ്ടായത്​.