യു.പിയിലെ നേതാക്കളുമായി 16 മണിക്കൂർ നീണ്ട കൂടിക്കാഴ്​ച നടത്തി പ്രിയങ്ക

ന്യൂഡൽഹി: ലോക്​സഭാ തെരഞ്ഞെടുപ്പിന്​ മുന്നോടിയായി എ.​െഎ.സി.സി ജനറൽ സെക്രട്ടറി പ്രിയങ്ക ഗാന്ധി കിഴക്കൻ യു.പി യിലെ കോൺഗ്രസ്​ നേതാക്കളുമായി കൂടിക്കാഴ്​ച നടത്തി. ചൊവ്വാഴ്​ച വൈകീട്ട്​ ആരംഭിച്ച കൂടിക്കാഴ്​ച 16 മണിക്കൂർ നീ ണ്ടു. ഇന്ന്​ പുലർച്ചെ 5.30നാണ്​ ചർച്ച അവസാനിച്ചത്​. ഇൗ തെരഞ്ഞെടുപ്പിൽ ജയം നേടാൻ എങ്ങനെ പോരാടണമെന്ന നേതാക്കളുടെ കാഴ്​ചപ്പാടുകൾ ചോദിച്ചറിയുകയായിരുന്നുവെന്ന്​ പ്രിയങ്ക ഗാന്ധി മാധ്യമങ്ങ​േളാട്​ പറഞ്ഞു.

കി​ഴ​ക്ക​ൻ യു.​പി​​യി​ലെ എട്ട്​ ലോ​ക്​​സ​ഭ മ​ണ്ഡ​ല​ങ്ങ​ളി​ൽ​നി​ന്നു​ള്ള കോ​ൺ​ഗ്ര​സ്​ നേ​താ​ക്ക​ളു​ം പ്രവർത്തകരുമായാണ്​ പ്രിയങ്ക കൂ​ടി​ക്കാ​​ഴ്​​ച നടത്തിയത്​. ‘ഞാൻ പ്രവർത്തകരിൽ നിന്ന്​ സംഘടനയെ കുറിച്ച്​ ധാരാളം കാര്യങ്ങൾ പഠിച്ചു. ഇതി​​​െൻറ ഘടന എങ്ങനെയാണ്​, എന്തെല്ലാം മാറ്റങ്ങളാണ്​ വേണ്ടത്​ തുടങ്ങിയവയെല്ലാം മനസിലാക്കാൻ സാധിച്ചു. വളരെ നല്ല അനുഭവമായിരുന്നു അത്​ - പ്രിയങ്ക പറഞ്ഞു.

2019ലെ തെര​ഞ്ഞെടുപ്പ്​ മോദിയും രാഹുലും തമ്മിലുള്ള മത്​സരമായിരിക്കുമെന്നും പ്രിയങ്ക വ്യക്​തമാക്കി. ഗ്രൂപ്പിസം അവസാനിപ്പിച്ച്​ ഒന്നിച്ച്​ നിൽക്കണമെന്ന്​ പ്രവർത്തകരോട്​ ​െഎ.​െഎ.സി.സി ജനറൽ സെക്രട്ടറി ആവശ്യപ്പെട്ടു.

ല​ഖ്​​നോ, മോ​ഹ​ൻ​ലാ​ൽ ഗ​ൻ​ജ്, പ്ര​യാ​ഗ്​​രാ​ജ്, അം​ബേ​ദ്​​ക​ർ ന​ഗ​ർ, സീ​താ​പു​ർ, കൗ​ശാം​ബി, ഫ​ത്തേ​പു​ർ, ബ​ഹ്​​െ​റെ​ച്ച്​, ഫു​ൽ​പു​ർ, അ​യോ​ധ്യ മ​ണ്ഡ​ല​ങ്ങ​ളി​ലെ കോ​ൺ​ഗ്ര​സ്​ ഭാ​ര​വാ​ഹി​ക​ളു​മാ​യാണ്​ ച​ർ​ച്ച ന​ട​ത്തി​യ​ത്. ല​ഖ്​​നോ​വി​ലെ പാ​ർ​ട്ടി ആ​സ്​​ഥാ​ന​ത്ത്​ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട പാ​ർ​ട്ടി​യു​ടെ ഒ​രു​ക്ക​ങ്ങ​ൾ പ്രി​യ​ങ്ക വി​ല​യി​രു​ത്തുകയും ചെയ്​തു.