എന്നും ധൈര്യശാലിയായിരിക്കുക; അനാബിയ മോൾക്ക്​ സമ്മാനങ്ങളുമായി പ്രിയങ്ക

ലഖ്​നോ: ഉത്തർപ്രദേശിലെ അഅ്​സംഗഢിലുള്ള അനാബിയ ഇമാമെന്ന ആറുവയസുകാരി​ പ്രയങ്കാ ഗാന്ധിയുടെ കത്തും സമ്മാനങ്ങള ും ലഭിച്ചതി​​​​െൻറ ആഹ്ലാദത്തിലാണ്​. ഒരാഴ്​ച്ച മുമ്പ്​ രാജ്യമെമ്പാടും വൈറലായ ഒരു കൂടിക്കാഴ്​ച അനാബിയയും പ്രി യങ്കയും തമ്മിൽ നടന്നിരുന്നു. അന്ന്​ പ്രിയങ്കക്ക്​ മുന്നിൽ പൊട്ടിക്കരഞ്ഞ അനാബിയയെ സന്തോഷിപ്പിക്കാനാണ്​ അവ ർ സമ്മാനങ്ങളും ഒപ്പം സ്വന്തം കൈപ്പടയിലുള്ള കത്തും അയച്ചത്​.

പൗരത്വ ഭേദഗതി നിയമത്തിനെതിരെ സമരം ചെയ്തതി​​​​െൻറ പേരിൽ ജയിലിൽ കഴിയുകയാണ്​ അനാബിയയുടെ കുടുംബാംഗങ്ങളടക്കം നിരവധിപേർ. ജയിലിലായവരുടെ കുടുംബാംഗങ്ങൾ അഅ്​സംഗഢിൽ സമാധാനപരമായി സമരം ചെയ്യവേ പൊലീസ്​ ബലം ​പ്രയോഗിച്ച്​ സമരക്കാരെ ഒഴിപ്പിച്ചിരുന്നു.

ജയിലുള്ളവരെ സന്ദർശിച്ചതിന്​ ശേഷ പ്രിയങ്കയും കേ​ാൺഗ്രസ്​ പ്രതിനിധികളും സമരക്കാരെ കാണാനെത്തിയപ്പോഴായിരുന്നു ഏവരെയും വേദനയിലാഴ്​ത്തിയ രംഗങ്ങൾ അരങ്ങേറിയത്​. ബന്ധുവിനൊപ്പമെത്തിയ അനാബിയയോട്​ സുഖാന്വേഷണം നടത്തവേ ആറുവയസ്സുകാരി പൊട്ടിക്കരയുകയായിരുന്നു. പ്രിയങ്കാ ഗാന്ധി അവളെ സമാധാനിപ്പിക്കുന്ന ദൃശ്യങ്ങൾ സമൂഹ മാധ്യമങ്ങളിൽ വ്യാപകമായി പ്രചരിച്ചു.

‘പ്രിയപ്പെട്ട അനാബിയ, മോൾക്ക്​​ ഞാൻ കുറച്ച സമ്മാനങ്ങൾ ഇതിനൊപ്പം അയക്കുന്നുണ്ട്​. ഇഷ്​ടമാവും എന്ന്​ കരുതുന്നു. എന്നും എ​​​​െൻറ ധൈര്യശാലിയായ പെൺകുട്ടിയായിത്തന്നെയിരിക്കുക. എന്ത്​ ആവശ്യമുണ്ടെങ്കിലും എന്നെ വിളിക്കാം. ഒരുപാട്​ സ്​നേഹം.. എന്ന്​ പ്രിയങ്കാ ആൻറി.’

-എന്നാണ്​ കത്തിലുണ്ടായിരുന്നത്​. സ്​കൂൾ ബാഗും, ലഞ്ച്​ ബോക്​സും ടെഡി ബിയറും ചോക്കലേറ്റ്​സുമടങ്ങിയ സമ്മാനങ്ങൾ ഉത്തർപ്രദേശിലെ കോൺഗ്രസ്​ നേതാവ്​ ഷഹൻവാസ്​ ആലമാണ്​ അനാബിയയുടെ കൈകളി​െലത്തിച്ചത്​.

പ്രയങ്ക ഗാന്ധി അയച്ച കത്തുമായി അനാബിയ ഇമാം