കർണാടകയിലെ ജനങ്ങൾക്കായി ഹനുമാൻ ക്ഷേ​ത്രത്തിൽ പ്രാർഥനയുമായി പ്രിയങ്ക ഗാന്ധി

ഷിംല: കർണാടകയിലെ ജനങ്ങൾക്കായി ഷിംലയിലെ ഹനുമാൻ ക്ഷേത്രത്തിലെത്തി പ്രാർഥിച്ച് കോൺഗ്രസ് നേതാവ് പ്രിയങ്ക ഗാന്ധി. ഇന്ത്യയുടെയും കർണാടകയുടെയും സമാധാനത്തിനും അഭിവൃദ്ധിക്കുമാണ് പ്രിയങ്ക പ്രാർഥന നടത്തിയത്.

കർണാടക നിയമസഭ തെരഞ്ഞെടുപ്പിൽ വോട്ടെണ്ണൽ പുരോഗമിക്കെ, ബി.ജെ.പിക്കെതിരെ വ്യക്തമായ ലീഡുമായി കോൺഗ്രസ് മുന്നേറുകയാണ്. 224 അംഗ നിയമസഭയിൽ 130ലേറെ സീറ്റുകൾ നേടാനാകുമെന്നാണ് കോൺഗ്രസിന്റെ കണക്കുകൂട്ടൽ.