കോവിഡ്​ പ്രതിരോധം: പ്രിയങ്കയും നിക്ക്​ ജൊനാസും ഒരു ദിവസത്തിൽ സ്വരൂപിച്ചത്​ രണ്ടര കോടി

ലണ്ടൻ: ഇന്ത്യയിലെ കോവിഡ്​ പ്രതിരോധത്തിനായി നിരവധി ബോളിവുഡ്​ താരങ്ങളാണ്​ സഹായമെത്തിച്ചത്​. സോനു സൂദ്​, അജയ്​ ദേവ്​ഗൺ, അക്ഷയ്​ കുമാർ തുടങ്ങിയവരെല്ലാം സഹായമെത്തിച്ചിരുന്നു. ഈ നിരയിലേക്കാണ്​ പ്രിയങ്ക ചോപ്രയും ഭർത്താവ്​ നിക്ക്​ ജോനാസും എത്തുന്നത്​. കോവിഡ്​ പ്രതിരോധത്തിനായി നേരത്തെ ഇരുവരും ആരാധകരിൽ നിന്ന്​ സഹായം അഭ്യർഥിച്ചിരുന്നു.

ഇതി​െൻറ ഭാഗമായി ഇരുവരും ചേർന്ന്​ ധനശേഖരണ പരിപാടിക്ക്​ തുടക്കം കുറിച്ചിരുന്നു. മികച്ച പ്രതികരണമാണ്​ ധനശേഖരണത്തിന്​ ലഭിക്കുന്നത്​. ആദ്യ ദിനം രണ്ടര കോടി രൂപയാണ്​ പ്രിയങ്ക ചോപ്രയും നിക്ക്​ ജോനസും കൂടി വിവിധ വ്യക്​തികളിൽ നിന്ന്​ സ്വരൂപിച്ചത്​.

പരിപാടിക്ക്​ പിന്തുണയറിച്ച എല്ലാവർക്കും നന്ദി പറയുന്നതായി പ്രിയങ്ക ചോപ്ര ഇൻസ്​ഗ്രാം വിഡിയോയിൽ വ്യക്​തമാക്കി. നിങ്ങളുടെ സഹായം ചെറുതോ വലുതോ എന്നത്​ പ്രശ്​നമല്ലെന്നും സഹായം നൽകുകയാണ്​ പ്രധാനമെന്ന്​ നിക്ക്​ ജോനാസും പറഞ്ഞു. ടുഗെതർ ഫോൾ ഇന്ത്യ എന്ന കാപ്​ഷനോടെയാണ്​പ്രിയങ്ക ചോപ്ര ഇൻസ്​റ്റഗ്രാമിൽ വിഡിയോ പോസ്​റ്റ്​ ചെയ്​തത്​.