മുൻ കേന്ദ്രമന്ത്രി പ്രിയരഞ്​ജൻ ദാസ്​മുൻഷി നിര്യാതനായി

ന്യൂഡൽഹി: കോൺഗ്രസ്​ നേതാവും മുൻ കേന്ദ്ര വാർത്താവിനിമയ മന്ത്രിയുമായ പ്രിയ രഞ്​ജൻ ദാസ്​ മുൻഷി നിര്യാതനായി. 72 വയസായിരുന്നു. വർഷങ്ങളായി അസുഖ ബാധിതനായി ചികിത്​സയിലായിരുന്ന മുൻഷി ഡൽഹി അപ്പോളോ ആശുപത്രിയിലാണ്​ മരിച്ചത്​. 12.10ഒാടെ ആശുപത്രി അധികൃതർ മരണം സ്​ഥീരീകരിച്ചു

സ്​ട്രോക്കിനെയും പക്ഷാഘാതത്തെയും തുടർന്ന്​ 2008 മുതൽ അബോധാവസ്​ഥയിലായിരുന്നു ദാസ്​മുൻഷി. ജീവൻ രക്ഷാ ഉപകരണങ്ങളുടെ സഹായത്തോടെയായിരുന്നു ജീവൻ നിലനിർത്തിയിരുന്നത്​. തലച്ചോറിലേക്കുള്ള രക്​ത പ്രവാഹം നിലച്ചതിനെ തുടർന്ന്​ നാഡീ ഞരമ്പുകൾ നശിച്ച്​ സംസാരിക്കുന്നതിനോ ആളുകളെ തിരിച്ചറിയുന്നതിനോ സാധ്യമല്ലാത്ത അവസ്​ഥയിലെത്തുകയുമായിരുന്നു. 

1999-2009 കാലഘട്ടത്തിൽ​ ദാസ്​മുൻഷി പാർലമ​​െൻറംഗമായിരുന്നു. പശ്​ചിമബംഗാളിലെ റായ്​ഗഞ്ചിൽ നിന്നുള്ള ലോക്​സഭാംഗമായിരുന്നു. ആദ്യ മൻമോഹൻസിങ്​ മന്ത്രിസഭയിൽ 2004 മുതൽ 2008 ​വരെ പാർലമ​​െൻററി കാര്യ-വാർത്താ വിനിമയ മന്ത്രിയായി സേവനമനുഷ്​ഠിച്ചു. 

20 വർഷത്തോളം ആൾ ഇന്ത്യ ഫുട്​ബോൾ ഫെഡറേഷ​​​െൻറ പ്രസിഡൻറായിരുന്നു. ഫിഫ ലോകകപ്പ്​ മത്​സരത്തിൽ മാച്ച്​ കമീഷണറായി സേവനമനുഷ്​ഠിച്ച ആദ്യ ഇന്ത്യക്കാരനും ദാസ്​മുൻഷിയാണ്​.