Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഹരിയാനയിൽ സ്വകാര്യ...

ഹരിയാനയിൽ സ്വകാര്യ സ്കൂൾ ഉടമയെ വെടിവെച്ച് കൊലപ്പെടുത്തി

text_fields
bookmark_border
gun shot
cancel
camera_alt

representative image

ജിന്ദ്: പ്രഭാത നടത്തത്തിനിടെ സ്വകാര്യ സ്കൂൾ ഉടമയെ മൂന്ന് പേർ ചേർന്ന് വെടിവെച്ച് കൊലപ്പെടുത്തി. ഹരിയാന ജിന്ദിലെ അലിപുരയിലാണ് സംഭവം. അലേവാ ​ഗ്രാമത്തിൽ താമസിക്കുന്ന സുരേഷ് ആണ് കൊല്ലപ്പെട്ടത്. കഴിഞ്ഞ 25 വർഷമായി അലിപുരയിൽ സ്വകാര്യ സ്കൂൾ നടത്തുകയായിരുന്നു സുരേഷ്.

അക്രമികളെ തിരിച്ചറിഞ്ഞിട്ടില്ല. പ്രഭാതനടത്തത്തിനിടെ മൂന്ന് പേർ ചേർന്ന് സുരേഷിനെ തടഞ്ഞുനിർത്തി വെടിയുതിർക്കുകയായിരുന്നു. പ്രതികൾ ഉടൻ രക്ഷപ്പെട്ടു.

2018 ൽ റോഹ്തകിലെ നേക്കിറാം കോളജിനടുത്തുണ്ടായ കൊലപാതകകേസിലെ പ്രധാന സാക്ഷിയായിരുന്നു സുരേഷ്. അദ്ദേഹത്തിന്റെ ബന്ധുവാണ് അന്ന് കുത്തേറ്റ് മരിച്ചത്. കേസിനായി അടുത്തദിവസങ്ങളിൽ കോടതിയിൽ ഹാജരാകാനിരിക്കെയാണ് കൊലപാതകം. സംഭവത്തിന് പിന്നിൽ പഴയകേസിലെ പ്രതികളാണെന്ന് ബന്ധുക്കൾ ആരോപിച്ചു. അക്രമികളെ ഉടൻ പിടികൂടണമെന്ന് ആവശ്യപ്പെട്ട് ബന്ധുക്കൾ പ്രതിഷേധവുമായി രം​ഗത്തെത്തി.

അന്വേഷണം പുരോ​ഗമിക്കുകയാണെന്നും പ്രതികളെ ഉടൻ അറസ്റ്റ് ചെയ്യുമെന്നും പൊലീസ് അറിയിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:HaryanaCrime NewsShot DeathPrivate school owner
News Summary - shot dead, Crime News, Private school owner, Haryana,
Next Story