Begin typing your search above and press return to search.
proflie-avatar
Login
exit_to_app
exit_to_app
നിയന്ത്രണങ്ങളുണ്ടാവില്ല; ട്രെയിൻ നിരക്ക്​ സ്വകാര്യ സംരംഭകർക്ക്​ നിശ്ചയിക്കാം
cancel
Homechevron_rightNewschevron_rightIndiachevron_right...

നിയന്ത്രണങ്ങളുണ്ടാവില്ല; ട്രെയിൻ നിരക്ക്​ സ്വകാര്യ സംരംഭകർക്ക്​ നിശ്ചയിക്കാം

text_fields
bookmark_border

ന്യൂഡൽഹി: സ്വകാര്യ ട്രെയിനുകളുടെ യാത്രാക്കൂലി സംരംഭകർക്ക്​ തന്നെ നിശ്ചയിക്കാമെന്ന്​ റെയിൽവെ. റെയിൽവെ സ്വകാര്യ വതകരണവുമായി ബന്ധപ്പെട്ട നടക്കാനിരിക്കുന്ന രണ്ടാം ഘട്ട ലേല നടപടികളുടെ മുന്നോടിയായാണ്​ റെയിൽവെയുടെ വിശദീകരണം. സ്വകാര്യ വത്​കരിക്കുന്ന ട്രെയിൻ റൂട്ടുകളിൽ റെയിൽവെ ഡെവലപ്​മെൻറ്​ അതോറിറ്റിയുടെ മേൽനോട്ടത്തിലായിരിക്കും നിരക്കുകളടക്കം നിശ്ചയിക്കുക എന്ന മുൻ തീരുമാനം മാറ്റിയാണ്​ റെയിൽവെയുടെ പുതിയ നിലപാട്​. സ്വകാര്യ സംരംഭകരെ ആകർഷിക്കാനാണ്​ നിയ​ന്ത്രണങ്ങൾ എടുത്തുകളയുന്നതെന്നാണ്​ വിശദീകരണം.

നിരക്കുകളടക്കമുള്ള കാര്യങ്ങൾ നിശ്ചയിക്കുന്നതിൽ സ്വകാര്യ സംരംഭകർക്ക്​ സ്വയം നിർണയാധികാരം അനുവദിക്കുമെന്നാണ്​ റെയിൽവെ പറയുന്നത്​. വിപണി മത്സരത്തി​െൻറ സമ്മർദം കാരണം അമിത നിരക്ക്​ ഈടാക്കാൻ സ്വകാര്യ സംരംഭകർക്ക്​ കഴിയില്ലെന്നും റെയിൽവെ വിശദീകരിക്കുന്നുണ്ട്​. എന്നാൽ, ലേല നടപടികളിലൂടെ കൈമാറുന്ന റൂട്ടുകളിൽ പിന്നീട്​ മത്സരം ഉണ്ടാകില്ലെന്നും സ്വകാര്യ സംരംഭകർ യഥേഷ്​ടം നിരക്ക്​ ഈടാക്കുമെന്നുമുള്ള ആശങ്ക ശക്​തമാണ്​. മറ്റു ഗതാഗത സംവിധാനങ്ങളോട്​ കൂടി മത്സരിച്ച്​​ ട്രെയിൻ നിരക്ക്​ നിശ്ചയിക്കാൻ സ്വകാര്യ സംരംഭകർ നിർബന്ധിതരാകുമെന്നാണ്​ റെയിൽവെ മന്ത്രാലയം പറയുന്നത്​. അതേസമയം, നിലവിൽ ഏറ്റവും ചിലവ്​ കുറഞ്ഞ ട്രെയിൻ യാത്രയുടെ നിരക്ക്​ മറ്റുള്ള യാത്രാ സംവിധാനങ്ങളുടേതിന്​ തുല്യമാകുന്നതിനടക്കം പുതിയ നീക്കം കാരണമാകുമെന്നും ചൂണ്ടികാണിക്കപ്പെടുന്നുണ്ട്​.

റെയിൽവെ നേരിട്ട്​ നടത്തുന്ന സർവീസുകളിലെ നിരക്ക്​ നിശ്ചയിക്കുന്നതിൽ സ്വകാര്യ സംരംഭകർക്ക്​ ഇടപെടാനാകില്ലെന്നും അതിനാൽ നിരക്ക്​ വർധന പിടിച്ചു നിർത്താനാകുമെന്നുമാണ്​ റെയിൽവെ മന്ത്രാലയം പറയുന്നത്​.

ടെലികോം രംഗത്തെ 'ട്രായ്​' മാതൃകയിൽ റെയിൽവെ രംഗത്ത്​ റെയിൽ ഡെവലപ്​മെൻറ്​ അതോറിറ്റി അമിതി നിരക്കും മറ്റും നിയന്ത്രിക്കുമെന്നാണ്​ സ്വകാര്യ വത്​കരണ നീക്കം തുടങ്ങു​േമ്പാൾ കേന്ദ്ര സർക്കാർ വിശദീകരിച്ചിരുന്നത്​. എന്നാൽ, നിയന്ത്രണങ്ങൾ സ്വകാര്യ സരംഭകരെ പിന്നോട്ട്​ വലിക്കുകയാണെന്നാണ്​ ഇപ്പോൾ പറയുന്നത്​. ലേല നടപടികളുടെ ഭാഗമായ ചർച്ചകളുടെ അടിസ്​ഥാനത്തിലാണ്​ ഇപ്പോൾ റെയിൽവെ വിട്ടുവീഴ്​ചകൾക്ക്​ തയാറായിരിക്കുന്നത്​. സ്വകാര്യ സംരംഭകരുടെ ഭാഗത്തു നിന്നുള്ള വിലപേശൽ ശക്​തമാകു​േമ്പാൾ കൂടുതൽ വിട്ടുവീഴ്​ചകൾക്ക്​ കേന്ദ്രസർക്കാർ തയാറാകാനുള്ള സാധ്യതയും ഉണ്ട്​.

109 റൂട്ടുകളാണ്​ റെയിൽവെ സ്വകാര്യവത്​കരിക്കുന്നത്​​. ഇതി​െൻറ രണ്ടാം ഘട്ട ​േലല നടപടികളാണ്​ ഇനി നടക്കാനുള്ളത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Indian Railwaysrailway privatisationrailway privatizationIndian raliway
Next Story