കോവിഡ്​ ബാധിച്ച്​ മരിച്ചയാളുടെ ആശുപത്രി ബില്ല്​ 19 ലക്ഷം രൂപ; പരാതിയുമായി മക്കൾ

തിരുപ്പൂർ: തമിഴ്​നാട്ടിൽ കോവിഡ്​ ബാധിച്ച്​ മരിച്ചയാളുടെ ബന്ധുക്കൾക്ക്​ സ്വകാര്യ ആശുപത്രി നൽകിയത്​ 19ലക്ഷം രൂപയുടെ ബില്ല്​. 23 ദിവസത്തെ ചികിത്സക്കാണ്​ ഇത്രയും വലിയ തുക ബില്ലായി നൽകിയത്​.

മേയ്​ 25നാണ്​ എം. സുബ്രമണ്യൻ കോവിഡ്​ ബാധിച്ച്​ മരിക്കുന്നത്​. തിരുപ്പൂരിലെ കനകംപാളയം സ്വദേശിയായിരുന്നു 62കാരനായ ഇദ്ദേഹം. സുബ്രമണ്യൻ മരിച്ചതോടെ ആശുപത്രി അധികൃതർ 19 ലക്ഷം രൂപയുടെ ബിൽ മക്കളായ ഹരികൃഷ്​ണനും കാർത്തികേയനും കൈമാറുകയായിരുന്നു. ഇത്രയും വലിയ ബിൽ തുക ലഭിച്ചതോടെ മക്കളിരുവരും തിരുപ്പൂർ ജില്ല കലക്​ടർക്ക്​ പരാതി നൽകി.

പിതാവിന്​ കോവിഡ്​ സഥിരീകരിച്ചതോടെ പെരുമനല്ലൂരിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. ആശുപത്രിയിൽ ​പ്രവേശിപ്പിക്കു​േമ്പാൾ അദ്ദേഹത്തി​െൻറ ആരോഗ്യനില തൃപ്​തികരമായിരുനുന്നു. എന്നാൽ അഞ്ചുദിവസം കഴിഞ്ഞതോടെ മോശമാകാൻ തുടങ്ങി. ഇതോടെ അത്യാഹിത വിഭാഗത്തിൽ​ പ്രവേശിപ്പിച്ചു. ​കോവിഡ്​ ഗുരുതരമായവർക്ക്​ നൽകുന്ന റെംഡിസിവിർ ഡോസ്​ ഒന്നിന്​ 40,000 രൂപയാകുമെന്നായിരുന്നു ഡോക്​ടർമാരുടെ വാദം. ഇതിനുപുറമെ ബന്ധുക്കൾ രണ്ടുലക്ഷം രൂപ നൽകുകയും ചെയ്​തതായി മക്കൾ നൽകിയ പരാതിയിൽ പറയുന്നു.

റെംഡിസിവിർ കുത്തിവെച്ചതിന്​ ശേഷം സുബ്രമണ്യ​െൻറ ആരോഗ്യനിലയിൽ പുരോഗതിയുണ്ടായിരുന്നു. ഒാക്​സി​െൻറ പിന്തുണ​യോടെയാണ്​ കഴിഞ്ഞിരുന്നെങ്കിലും ദിവസങ്ങൾക്കുള്ളിൽ ആശുപത്രി വിടാമെന്ന്​ ഡോക്​ടർമാർ ഉറപ്പുനൽകുകയും ചെയ്​തിരുന്നു. ​എന്നാൽ, മേയ്​ 24ന്​ തനിക്ക്​ ശ്വാസതടസമനുഭവപ്പെടുന്നതായി സുബ്രമണ്യൻ അറിയിക്കുകയായിരുന്നു. ആശുപത്രി അധികൃതരെ വിവരം അറിയിച്ചപ്പോൾ അവിടെ ഒാക്​സിജൻ ക്ഷാമം നേരിടുന്നുണ്ടെന്നും മൂന്നുമണിക്കൂറിനകം മറ്റൊരു ആശുപത്രിയിലേക്ക്​ മാറ്റാൻ നിർദേശിക്കുകയുമായിരുന്നുവെന്ന്​ പരാതിയിൽ പറയുന്നു.

മറ്റൊരു ആശുപത്രിയിലേക്ക്​ മാറ്റിയെങ്കിലും തൊട്ടടുത്ത ദിവസം സുബ്രമണ്യൻ മരിക്കുകയായിരുന്നു. ഇതോടെ, സുബ്രമണ്യൻ 23 ദിവസം ചികിത്സയിലായിരുന്ന ആശുപത്രി അധികൃതർ 19.05 ലക്ഷം രൂപയുടെ ബിൽ നൽകുകയായിരുന്നുവെന്നും ഇരുവരും പറഞ്ഞു.

ആശുപത്രിക്കെതിരെ പരാതി ലഭിച്ചതായി കലക്​ടർ കെ. വിജയ കാർത്തികേയൻ പറഞ്ഞു. സംഭവത്തിൽ ആരോഗ്യവകുപ്പിലെ ജോയിൻറ്​ ഡയറക്​ടറോട്​ അന്വേഷണം നടത്താൻ ആവശ്യപ്പെട്ടതായും അദ്ദേഹം കൂട്ടിച്ചേർത്തു. അതേസമയം സംഭവത്തിൽ ആശുപത്രി അധികൃതർ പ്രതികരിക്കാൻ തയാറായിട്ടില്ല.