പ്രധാനമന്ത്രി സെപ്​തംബറിൽ യു.എസ്​ സന്ദർശിക്കും

ന്യൂഡൽഹി: പ്രധാനമന്ത്രി നരേന്ദ്രമോദി സെപ്​തംബറിൽ യു.എസ്​ സന്ദർശിക്കും. മോദി യു.എസ്​ സന്ദർശിക്കുന്ന വിവരം കേന്ദ്രസർക്കാർ ഔദ്യോഗികമായി സ്ഥിരീകരിച്ചിട്ടില്ല.

കാലാവസ്ഥ വ്യതിയാനവുമായി ബന്ധപ്പെട്ട പരിപാടിയിൽ പങ്കെടുക്കുന്നതിനാണ്​ മോദി അമേരിക്കയിൽ എത്തുന്നത്​. സെപ്​തംബർ 23നാണ്​ പരിപാടി. ഹൂസ്​റ്റണിൽ നടക്കുന്ന ചടങ്ങിൽ ഇന്ത്യൻ സമൂഹത്തെ മോദി അഭിസംബോധന ചെയ്യും.

അതേസമയം, മോദി എത്തുന്ന കാര്യത്തിൽ അന്തിമ തീരുമാനം ആയിട്ടില്ലെന്ന്​ ഹൂസ്​റ്റണിൽ പരിപാടി സംഘടിപ്പിക്കുന്ന ഇന്ത്യൻ സമൂഹത്തിലെ പ്രതിനിധികൾ അറിയിച്ചു. എങ്കിലും സെപ്​തംബർ 22ന്​ മോദി എത്തുമെന്ന​ പ്രതീക്ഷയിൽ ഒരുക്കങ്ങൾ നടക്കുകയാണെന്ന്​ അവർ വ്യക്​തമാക്കി.