Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightരാഷ്​ട്രപതിയും...

രാഷ്​ട്രപതിയും കുടുംബവും അപമാനിക്കപ്പെട്ടുവെന്ന വാർത്ത നിഷേധിച്ച്​ പുരി പുരോഹിതൻ

text_fields
bookmark_border
രാഷ്​ട്രപതിയും കുടുംബവും അപമാനിക്കപ്പെട്ടുവെന്ന വാർത്ത നിഷേധിച്ച്​ പുരി പുരോഹിതൻ
cancel

ന്യൂഡൽഹി: രാഷ്​ട്രപതി രാംനാഥ്​ കോവിന്ദും ഭാര്യ സവിതയും ഒഡിഷയിലെ പ്രശസ്​തമായ ജഗന്നാഥ ക്ഷേത്ര ദർശനത്തിനിടെ അപമാനിക്കപ്പെട്ടതായുള്ള റിപ്പോർട്ട് നിഷേധിച്ച്​ ക്ഷേത്ര പുരോഹിതൻ​. ദാമോദർ മഹാശ്വർ എന്ന പുരോഹിതനാണ്​ രാഷ്​ട്രപതി അപമാനിക്കപ്പെട്ടുവെന്ന റിപ്പോർട്ട്​ നിഷേധിച്ചത്​.  രാഷ്​ട്രപതിക്കൊപ്പമുണ്ടായിരുന്ന ആളായിരുന്നു മഹാശ്വർ. 

മാർച്ച്​ 22ന്​ രാഷ്​ട്രപതിയും ഭാര്യയും ജഗന്നാഥപുരി ക്ഷേത്രത്തിൽ ദർശനത്തിയിരുന്നു. തങ്ങൾ അവരോ​െടാപ്പം പോയിരുന്നു. ആരും അവരോട്​ അപമര്യാദയായി പെരുമാറിയിട്ടില്ല എന്നും മഹാശ്വർ പറഞ്ഞു. സംഭവത്തിൽ ജഗന്നാഥ ക്ഷേത്രഭരണാധികാരി പ്രദീപ്​ ജാനക്കും ജില്ലാ മജിസ്​ട്രേറ്റ്​ പുരിക്കുമെതിരെ പുരോഹിതൻ കേസ്​ നൽകിയിട്ടുണ്ട്​. 

സംഭവത്തിനു മൂന്നു മാസങ്ങൾക്ക്​ ശേഷം പ്രദീപ്​ ജാനയും പുരിയും രാഷ്​ട്രപതി ഭവനിൽ നിന്ന്​ പരാതി ലഭിച്ചുവെന്ന്​ ആരോപിച്ച്​ അന്വേഷണം നടത്തുന്നുണ്ട്​. ആരോപണം അടിസ്​ഥാന രഹിതമാണ്​. തങ്ങൾ അവർക്കെതി​െര പരാതി നൽകിയിട്ടുണ്ടെന്നും മഹാശ്വർ പറഞ്ഞു. 

സംഭവത്തിൽ പുരി ജില്ലാ ഭരണകൂടം അന്വേഷണം ആരംഭിച്ചിരുന്നു. ഒരു കൂട്ടം ക്ഷേത്ര പരിചാരകർ ശ്രീകോവിലിനു സമീപം പ്രസിഡൻറിനെ തടയുകയും അദ്ദേഹത്തി​​​​​​െൻറ ഭാര്യയെ തള്ളുകയും ചെയ്​തതായി ടൈംസ്​ ഒാഫ്​ ഇന്ത്യയാണ്​ റിപ്പോർട്ട്​ ചെയ്​തത്​.

രാവിലെ 6.35 മുതൽ 8.40 വരെയുള്ള സമയം മറ്റ്​ ഭക്തജനങ്ങളെ തടഞ്ഞു നിർത്തി വിശിഷ്​ട വ്യക്​തികൾക്ക്​ സുഖപ്രദമായ ദർശനം ഉറപ്പാക്കിയിരുന്നു. ചില പരിചാരകരേയും സർക്കാർ ഉദ്യോഗസ്​ഥരേയും ക്ഷേത്രത്തിനകത്ത്​ രാഷ്​ട്രപതിയെ അനുഗമിക്കാൻ അനുവദിച്ചിരുന്നു. 

ക്ഷേത്രം പരിചാരകർ രാഷ്​ട്രപതിക്ക്​ മുറിയൊരുക്കിയിരുന്നില്ലെന്നും ചില പരിചാരകർ രാഷ്​ട്രപതിയും ഭാര്യയും ക്ഷേത്ര ദർശനം നടത്തിക്കൊണ്ടിരിക്കെ ​തള്ളി നീക്കിയതായും റിപ്പോർട്ടിൽ പറയുന്നു. സംഭവത്തിൽ ക്ഷേത്രത്തിലെ മൂന്ന്​ പരിചാരകർക്ക്​ കാരണം കാണിക്കൽ നോട്ടീസ്​ നൽകാൻ ഭരണസമിതി തീരുമാനിച്ചിരുന്നു​. 

സംഭവത്തിൽ ശക്തമായ പ്രതിഷേധം അറിയിച്ചുകൊണ്ട് രാഷ്​ട്രപതി ഭവൻ പുരി കലക്​ടർ അരവിന്ദ്​ അഗർവാളിന്​ കത്തയച്ചിരുന്നു. ഇതേ തുടർന്ന്​ തൊട്ടടുത്ത ദിവസം തന്നെ ക്ഷേത്ര ഭരണസമിതി യോഗം ചേർന്നു. യോഗത്തി​​​​​​െൻറ മിനുട്​സ്​ വെളിച്ചത്തു വന്നതോടെയാണ്​ ഇക്കാര്യങ്ങൾ വാർത്തയായത്​.

Show Full Article
TAGS:indian president Ramnath kovind First Lady Harassed Jagannath Temple india news malayalam news 
News Summary - Priest denies President Kovind's harassment at Jagannath Temple - India News
Next Story