'യു.പി.എ സർക്കാർ ചെയ്​തപ്പോൾ ഒരു പ്രശ്​നവുമില്ല, ഞങ്ങൾ നടത്തുേമ്പാൾ വലിയ വിഷയമാക്കുന്നു'

ന്യൂഡൽഹി: കേന്ദ്രസർക്കാരിനെതിരെ നിരന്തരം വിമർശനം ഉന്നയിക്കുന്ന ബോളിവുഡ്​ താരം തപ്​സി പന്നുവിനെയും സംവിധായകൻ അനുരാഗ്​ കശ്യപിനെയും കേന്ദ്രസർക്കാർ വേട്ടയാകുകയാണെന്ന ആരോപണത്തിന്​ മറുപടിയുമായി കേന്ദ്ര ധനമന്ത്രി നിർമല സീതാരാമൻ. ബി.ജെ.പി സർക്കാർ അധികാരത്തിൽ വരുന്നതിന്​ മുമ്പ്​ 2013ലും ആദായ നികുതി വകുപ്പിന്‍റെ നേതൃത്വത്തിൽ പരിശോധനകൾ നടത്തിയിട്ടുണ്ടെന്നായിരുന്നു പ്രതികരണം.

ആരുടെയും പേരെടുത്ത്​ പറയാതെയായിരുന്നു വിമർശനം. 'മുൻ സർക്കാർ അധികാരത്തിലിരുന്നപ്പോഴും വ്യക്തികളുമായി ബന്ധപ്പെട്ട്​ ആദായ നികുതി വകുപ്പ്​ പരിശോധനകൾ സംഘടിപ്പിച്ചിരുന്നു. അപ്പോൾ യാതൊരുവിധ പ്രശ്​നങ്ങളും ഇല്ലായിരുന്നു. എന്നാൽ ഈ സർക്കാർ നടത്തു​േമ്പാൾ, വലിയ പ്രശ്​നമായി ഉയർത്തിക്കാട്ടുന്നു' -നിർമല സീതാരാമൻ പറഞ്ഞു.

2013 ലേക്ക്​ ഒന്ന്​ തിരിഞ്ഞ​ു​േനാക്കൂ. അന്നും ഇതേ വ്യക്തികളുടെ വീടുകളിൽ റെയ്​ഡ്​ നടന്നിട്ടുണ്ട്​ -നിർമല കൂട്ടിച്ചേർത്തു. യു.പി.എ സർക്കാർ അധികാരത്തിലിരുന്ന 2013ൽ അനുരാഗ്​ കശ്യപിന്‍റെ വീട്ടിൽ ആദായനികുതി വകുപ്പ്​ റെയ്​ഡ്​ നടത്തിയിരുന്നു. നികുതിവെട്ടിപ്പ്​ നടത്തിയെന്ന ആരോപണത്തെ തുടർന്നായിരുന്നു അന്നും പരിശോധന. ഇത്​ ഉയർത്തിക്കാട്ടിയായിരുന്നു നിർമലയുടെ പരാമർശം.

ബുധനാഴ്ചയാണ്​ നികുതിവെട്ടിച്ചുവെന്ന ആരോപണത്തെ തുടർന്ന്​ തപ്​സിയുടെയും അനുരാഗ്​ കശ്യപിന്‍റെയും വീടുകളിലും ഓഫിസുകളിലും ആദായനികുതി വകുപ്പ്​ റെയ്​ഡ്​ നടത്തിയത്​. പുണെയിലും മുംബൈയിലുമായി 20ഓളം ഇടങ്ങളിലായിരുന്നു റെയ്​ഡ്​. ദേശീയ വിഷയങ്ങളിൽ നിരന്തരം അഭിപ്രായം പറയുന്ന ഇരുവരുടെയും വീടുകളിൽ ആദായ നികുതി വകുപ്പ്​ പരിശോധന നടത്തുന്നതിനെതിരെ നിരവധിപേർ വിമർശനവുമായി രംഗത്തെത്തിയിരുന്നു.