​ശിവസേന കോവിന്ദിനെ പിന്തുണക്കുമെന്ന്​ സൂചന; ഉന്നതതല യോഗം ഇന്ന്​

മും​ബൈ: രാം​നാ​ഥ്​ കോ​വി​ന്ദി​നെ രാ​ഷ്​​ട്ര​പ​തി സ്​​ഥാ​നാ​ർ​ഥി​യാ​യി തെ​ര​ഞ്ഞെ​ടു​ത്ത​തി​ൽ നിലപാട്​ തീരുമാനിക്കാൻ ശിവസേന ഇന്ന്​ ഉന്നതതലയോഗം ചേരും. കോവിന്ദിനെ സ്ഥാനാർഥിയായി നിശ്ചയിച്ചതിലുള്ള ദ​ലി​ത്​ പ്രീ​ണ​ന ന​യ​ത്തെ വി​മ​ർ​ശി​ക്കു​മ്പോ​ഴും പാ​ർ​ട്ടി​യു​ടെ പി​ന്തു​ണ ബി.​ജെ.​പി സ്​​ഥാ​നാ​ർ​ഥി​ക്കു​ത​ന്നെ​യെ​ന്നാണ്​  ശി​വ​സേ​ന വൃ​ത്ത​ങ്ങ​ൾ സൂചിപ്പിക്കുന്നത്​. 
തി​ങ്ക​ളാ​ഴ്​​ച രാ​ത്രി ന​ട​ന്ന പാ​ർ​ട്ടി​യു​ടെ 51ാം സ്​​ഥാ​പ​ക​ദി​ന പ്ര​സം​ഗ​ത്തി​ൽ ഉ​ദ്ധ​വ്​ താ​ക്ക​റെ നി​ല​പാ​ട്​ വ്യ​ക്​​ത​മാ​ക്കു​മെ​ന്നാ​യി​രു​ന്നു പാ​ർ​ട്ടി പ​റ​ഞ്ഞ​ത്. എ​ന്നാ​ൽ, ബി.​ജെ.​പി​യു​ടെ ഏ​ക​പ​ക്ഷീ​യ തീ​രു​മാ​ന​ത്തെ​യും ദ​ലി​ത്​ രാ​ഷ്​​ട്രീ​യ ക​ളി​യെ​യും രൂ​ക്ഷ​മാ​യി വി​മ​ർ​ശി​ച്ച ഉ​ദ്ധ​വ്​ നി​ല​പാ​ട്​ വ്യ​ക്​​ത​മാ​ക്കി​യി​ല്ല. 

ഹി​ന്ദു​ത്വ ആ​ശ​യ​ക്കാ​രെ രാ​ഷ്​​ട്ര​പ​തി ആ​ക്കി​യി​രു​ന്നു​വെ​ങ്കി​ൽ എ​ന്താ​ണ്​ സം​ഭ​വി​ക്കു​ക എ​ന്ന്​ ചോ​ദി​ച്ച ഉ​ദ്ധ​വ്​ ദ​ലി​ത​നെ രാ​ഷ്​​ട്ര​പ​തി​യാ​ക്കു​ന്ന​തി​ലൂ​ടെ രാ​ഷ്​​ട്രീ​യ​മേ വി​ക​സി​ക്കൂ, നാ​ട്​ വി​ക​സി​ക്കി​ല്ലെ​ന്നും പ​റ​ഞ്ഞു. മ​ത, ജാ​തീ​യ പ്രീ​ണ​ന​മി​ല്ലാ​തെ ഏ​തു​ വി​ഭാ​ഗ​ത്തി​ൽ​പെ​ട്ട​വ​നെ തെ​ര​ഞ്ഞെ​ടു​ത്താ​ലും സേ​ന പി​ന്തു​ണ​ക്കു​മാ​യി​രു​ന്നു -ഉ​ദ്ധ​വ്​ പ​റ​ഞ്ഞു. 

എൻ.ഡി.എ സ്ഥനാനാർഥിക്ക്​ പിന്തുണ തേടി അമിത് ഷാ ഞായറാഴ്ച ഉദ്ധവിനെ ബാന്ദ്രയിലെ വസതിയിൽ പോയി കണ്ടിരുന്നു. സ്ഥാനാർഥിയെ അറിഞ്ഞ ശേഷം തീരുമാനം അറിയിക്കാമെന്നായിരുന്നു മറുപടി. സൂചന പോലും നൽകാതെ സ്ഥാനാർഥിയെ പ്രഖ്യാപിച്ചതിലുള്ള നീരസമാണു ഉദ്ദവി​​​െൻറ  പ്രതികരണത്തിലുള്ളത്. എ​ന്നാ​ൽ, വി​മ​ർ​ശ​ന​ങ്ങ​ൾ​െ​ക്കാ​ടു​വി​ൽ സേ​ന എ​ൻ.​ഡി.​എ സ്​​ഥാ​നാ​ർ​ഥി​ക്കു​ത​ന്നെ പി​ന്തു​ണ ന​ൽ​കു​മെ​ന്നാ​ണ്​ പാ​ർ​ട്ടി​യി​ലെ ഉ​ന്ന​ത വൃ​ത്ത​ങ്ങ​ൾ ന​ൽ​കു​ന്ന സൂ​ച​ന.

എൻഡിഎയിലെ രണ്ടാമത്തെ വലിയ കക്ഷിയായ ശിവസേനക്ക്​ മഹാരാഷ്ട്രയിൽ 63 എം.എൽ.എമാരും 18 ലോക്സഭാ എം.പിമാരും മൂന്നു രാജ്യസഭാംഗങ്ങളുമാണുള്ളത്. കഴിഞ്ഞ രണ്ടു തെരഞ്ഞെടുപ്പുകളിൽ യു.പി.എ സ്ഥാനാർഥികളായ പ്രതിഭ പാട്ടീലിനെയും പ്രണബ് മുഖർജിയെയുമാണു സേന പിന്തുണച്ചത്.