Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightരാഷ്​ട്രപതിയും...

രാഷ്​ട്രപതിയും ഭാര്യയും ജഗന്നാഥ ക്ഷേത്രത്തിൽ അപമാനിക്കപ്പെ​െട്ടന്ന്​

text_fields
bookmark_border
രാഷ്​ട്രപതിയും ഭാര്യയും ജഗന്നാഥ ക്ഷേത്രത്തിൽ അപമാനിക്കപ്പെ​െട്ടന്ന്​
cancel

ന്യൂഡൽഹി: രാഷ്​ട്രപതി രാംനാഥ്​ കോവിന്ദ്​, ഭാര്യ സവിത എന്നിവർ ഒഡിഷയിലെ പ്രശസ്​തമായ ജഗന്നാഥ ക്ഷേത്ര ദർശനത്തിനിടെ അപമാനിക്കപ്പെട്ടതായി റിപ്പോർട്ട്​. മാർച്ച്​ 18ന്​ നടന്ന സംഭവത്തിൽ പുരി ജില്ലാ ഭരണകൂടം അന്വേഷണം ആരംഭിച്ചു. ഒരു കൂട്ടം ക്ഷേത്ര പരിചാരകർ ശ്രീകോവിലിനു സമീപം പ്രസിഡൻറിനെ തടയുകയും അദ്ദേഹത്തി​​​െൻറ ഭാര്യയെ തള്ളുകയും ചെയ്​തതായി ടൈംസ്​ ഒാഫ്​ ഇന്ത്യയാണ്​ റിപ്പോർട്ട്​ ചെയ്​തത്​.

രാവിലെ 6.35 മുതൽ 8.40 വരെയുള്ള സമയം മറ്റ്​ ഭക്തജനങ്ങളെ തടഞ്ഞു നിർത്തി വിശിഷ്​ട വ്യക്​തികൾക്ക്​ സുഖപ്രദമായ ദർശനം ഉറപ്പാക്കിയിരുന്നു. ചില പരിചാരകരേയും സർക്കാർ ഉദ്യോഗസ്​ഥരേയും ക്ഷേത്രത്തിനകത്ത്​ രാഷ്​ട്രപതിയെ അനുഗമിക്കാൻ അനുവദിച്ചിരുന്നു. 

ക്ഷേത്രം പരിചാരകർ രാഷ്​ട്രപതിക്ക്​ മുറിയൊരുക്കിയിരുന്നില്ലെന്നും ചില പരിചാരകർ രാഷ്​ട്രപതിയും ഭാര്യയും ക്ഷേത്ര ദർശനം നടത്തിക്കൊണ്ടിരിക്കെ ​തള്ളി നീക്കിയതായും റിപ്പോർട്ടിൽ പറയുന്നു. സംഭവത്തിൽ ക്ഷേത്രത്തിലെ മൂന്ന്​ പരിചാരകർക്ക്​ കാരണം കാണിക്കൽ നോട്ടീസ്​ നൽകാൻ ഭരണസമിതി തീരുമാനിച്ചിട്ടുണ്ട്​. 

സംഭവത്തിൽ ശക്തമായ പ്രതിഷേധം അറിയിച്ചുകൊണ്ട് മാർച്ച്​ 19ന്​​ രാഷ്​ട്രപതി ഭവൻ പുരി കലക്​ടർ അരവിന്ദ്​ അഗർവാളിന്​ കത്തയച്ചിരുന്നു. ഇതേ തുടർന്ന്​ തൊട്ടടുത്ത ദിവസം തന്നെ ക്ഷേത്ര ഭരണസമിതി യോഗം ചേർന്നു. യോഗത്തി​​​െൻറ മിനുട്​സ്​ വെളിച്ചത്തു വന്നതോടെയാണ്​ ഇക്കാര്യങ്ങൾ വാർത്തയായത്​.

Show Full Article
TAGS:indian president ram nath kovind First Lady Harassed Jagannath Temple india news malayalam news 
News Summary - President Kovind, First Lady 'Harassed' During Jagannath Temple Visit-india news
Next Story