ജെല്ലിക്കെട്ട്: ഒാർഡിനൻസിൽ പ്രസിഡൻറ് ​ഒപ്പ്​ വെച്ചേക്കും

ന്യൂഡൽഹി: ജെല്ലിക്കെട്ടിനായി തമിഴ്​നാട്​ സർക്കാർ കൊണ്ടുവന്ന ഒാർഡിനൻസിൽ പ്രസിഡൻറ്​ പ്രണബ്​ മുഖർജി ഉടൻ ഒപ്പുവെച്ചേക്കും. ഇന്ന് ​വൈകുന്നേരത്തിനകം ഒാർഡിനൻസ്​ പ്രാബല്യത്തിൽ വരുമെന്ന് ​വിശ്വസിക്കുന്നതായി ​പ്രസിഡൻറുമായി കൂടിക്കാഴ്​ച നടത്തിയശേഷം പുറത്തുവന്ന എ.​െഎ.എ.ഡി.എം.കെ നേതാവ്​ എം. തമ്പിദുരൈ മാധ്യമപ്രവർത്തകരോട്​ പറഞ്ഞു.

നേരത്തെ തമിഴ്നാട്​ സർക്കാർ തയാറാക്കിയ ഓര്‍ഡിനന്‍സ് കേന്ദ്ര സര്‍ക്കാര്‍ നിയമ, വനം-പരിസ്ഥിതി മന്ത്രാലയങ്ങളുടെ അനുമതിയോടെ സംസ്​ഥാന സർക്കാറിന്​ തിരിച്ചയച്ചിരുന്നു.  

വിഷയത്തിൽ പ്രതിഷേധക്കാരെ പിന്തുണച്ച് ​പ്രധാനമന്ത്രി നരേന്ദ്രമോദിയും രംഗത്തെത്തിയിരുന്നു. തമിഴ്നാടി​​െൻറ വികാരം മനസിലാക്കുന്നു. അത്​ പൂർത്തീകരിക്കാൻ സർക്കാർ പരിശ്രമിക്കും. തമിഴ്​നാടി​​െൻറ സമ്പന്നമായ പാരമ്പര്യത്തിൽ ഇന്ത്യ അഭിമാനിക്കുന്നു. തമിഴരുടെ പാരമ്പര്യം സംരക്ഷിക്കുന്നതിന്​ എല്ലാ ശ്രമങ്ങളും നടത്തുമെന്നുമാണ് ​മോദി ട്വിറ്റ്​ ചെയ്​തത്​. അതിനിടെ ജെല്ലിക്കെട്ടിനായുള്ള പ്രതിഷേധം തമിഴ്നാട്ടിൽ അഞ്ചാം ദിനവും തുടരുകയാണ്​.