കോവിഡ്​ ടെസ്​റ്റിനുള്ള കിറ്റുകളൊരുക്കുന്നത്​ വൃത്തിഹീനമായ സാഹചര്യത്തിൽ; വിഡിയോ പുറത്ത്​: അപകടമെന്ന്​ ആരോഗ്യവകുപ്പ്​

രണ്ടാം തരംഗത്തിൽ രാജ്യം വിറങ്ങലിച്ച്​ നിൽക്കു​േമ്പാഴാണ്​ കോവിഡ്​ ടെസ്​റ്റിനുള്ള കിറ്റുകളൊരുക്കുന്നതി​െൻറ വിഡിയോ പുറത്ത്​ വന്നത്​. വൃത്തിഹീനമായ സാഹചര്യത്തിൽ കോവിഡ്​ ​പ്രോ​ട്ടോക്കോൾ പാലിക്കാതെയാണ്​ സ്വാബ്​ ശേഖരണത്തിനുള്ള കിറ്റുകൾ ഒരുക്കുന്നത്​. ഇത്​ ഗുരുതരമായ വീഴ്​ചയാണെന്നും അപകടമാണെന്നും​ ആരോഗ്യവകുപ്പ്​ അധികൃതർ സമ്മതിക്കുന്നു.

മഹാരാഷ്​ട്രയിലെ ഉൽഹാസ്​ നഗർ ചേരിയിലാണ്​ കോവിഡ്​ പ്രോ​ട്ടോക്കോൾ പോലും പാലിക്കാതെ വൃത്തിഹീനമായ സാഹചര്യത്തിൽ ആർ.ടി.പി.സി.ആർ കിറ്റുകൾ തയാറാക്കുന്നത്​ കണ്ടെത്തിയത്​. മാസ്​ക്​ ധരിക്കാതെയും സാമൂഹി അകലം പോലും പാലിക്കാതെ തറയിലും മറ്റും കൂട്ടിയിട്ടാണ്​ കുട്ടികളും സ്​ത്രീകളും ചേർന്നാണ്​ സ്വാബ്​ ടെസ്​റ്റിനും ആർ.ടി.പി.സി ആറിനുമുള്ള കിറ്റുകൾ തയാറാക്കുന്നത്​ കണ്ടെത്തിയത്​.

ഇതിനെ തുടർന്ന്​ ഖുമാനി ചേരിയിലെ നിരവധി വീടുകളിൽ ഫുഡ് ആൻഡ് ഡ്രഗ്​ അഡ്​മിനിസ്​ട്രേഷനും (എഫ്​.ഡി.എ) ഉൽഹാസ്​ നഗർ മുനിസിപ്പൽ കോർപ്പറേഷൻ ഉദ്യോഗസ്ഥരും പൊലീസും ചേർന്ന്​ റെയ്​ഡ്​ നടത്തി.

വേർതിരിച്ച്​ പാക്ക്​ ചെയ്യുന്ന പ്രവർത്തിയിൽ ഏർപ്പെട്ടിരിക്കുന്ന സ്​ത്രീകളുംകുട്ടികളും മാസ്​കോ കൈയ്യുറകളോ ധരിച്ചിട്ടില്ല. വൃത്തിഹീനമായ അന്തരീക്ഷത്തിലാണ്​ കിറ്റുകൾ പായ്​ക്ക്​ ചെയ്യുന്നത്​. ഇത്​ മറ്റുള്ളവർക്കും അപകടമുണ്ടാക്കുമെന്ന്​ ആരോഗ്യവകുപ്പ്​ അധികൃതർ പറയുന്നു.

1000 സ്റ്റിക്കുകൾ പായ്ക്ക് ചെയ്യുന്നതിന് 20 രൂപയാണിവർക്ക്​ ലഭിക്കുന്നത്​. 5,000 സ്​റ്റിക്കുകൾ പ്രതിദിനം ഞങ്ങൾ പായ്​ക്ക്​ ചെയ്യും , ഇങ്ങനെ പ്രതിദിനം 100 രൂപ സമ്പാദിക്കുന്നുവെന്ന്​ ഒരു സ്​ത്രീ മാധ്യമങ്ങളോട്​ പറഞ്ഞു.

​ഇന്ത്യയിൽ കോവിഡ്​ റിപ്പോർട്ട്​ ചെയ്​ത കഴിഞ്ഞ വർഷം മുതൽ തന്നെ ഈ പ്രദേശത്തെ ചേരികളിലെ നിരവധി കുടുംബങ്ങൾ കിറ്റുകൾ പാക്ക്​ ചെയ്യുന്ന പ്രവർത്തിയിൽ സജീവമാണെന്ന്​ അധികൃതർ സമ്മതിക്കുന്നു. ഇവിടെ നിന്ന്​ പാക്ക്​ ചെയ്യുന്ന കിറ്റുകൾ ഉൽഹാസ്​ നഗർ കോർപറേഷൻ പരിധിയിലെ ആശുപത്രികളിൽ ഉപയോഗിച്ചിട്ടില്ലെന്ന് ​ ഉദ്യോഗസ്ഥർ അറിയിച്ചു. അതെ സമയം കിറ്റുകളുടെ കരാർ എടുത്ത മഹേഷ് കേശ്വാനിക്കെതിരെ പൊലീസ്​ കേസെടുത്തു.