ഗ്യാൻവാപി മസ്ജിദിൽ നമസ്കാരം പതിവുപോലെ

ന്യൂ​ഡ​ൽ​ഹി: അ​ടി​ഭാ​ഗ​ത്തെ നി​ല​വ​റ​യി​ൽ പൂ​ജ ആ​രം​ഭി​ച്ചെ​ങ്കി​ലും ഗ്യാ​ൻ​വാ​പി മ​സ്ജി​ദി​ൽ പ​തി​വു​പോ​ലെ ന​മ​സ്കാ​രം തു​ട​രു​ന്നു. അ​ധി​കൃ​ത​രു​ടെ ഭാ​ഗ​ത്തു​നി​ന്നോ പു​റ​ത്തു​നി​ന്നു​ള്ള​വ​രി​ൽ​നി​ന്നോ ത​ട​സ്സ​ങ്ങ​ളു​ണ്ടാ​യി​ല്ലെ​ന്നും വ്യാ​ഴാ​ഴ്ച​യും ന​മ​സ്കാ​രം ന​ട​ന്ന​താ​യും അ​ൻ​ജു​മ​ൻ മ​സാ​ജി​ദ് ഇ​ൻ​തി​സാ​മി​യ ക​മ്മി​റ്റി ജോ. ​സെ​ക്ര​ട്ട​റി സ​യ്യി​ദ് മു​ഹ​മ്മ​ദ് യാ​സീ​ൻ പ​റ​ഞ്ഞു. പൂ​ജ​ക്ക് ബു​ധ​നാ​ഴ്ച അ​നു​മ​തി ന​ൽ​കി​യ​തി​നു പി​ന്നാ​ലെ വ്യാ​ഴാ​ഴ്ച തെ​ക്കു​ഭാ​ഗ​ത്തെ നി​ല​വ​റ​യി​ൽ ​വി​ഗ്ര​ഹം പ്ര​തി​ഷ്ഠി​ച്ച് പൂ​ജ ആ​രം​ഭി​ച്ചി​രു​ന്നു. മ​സ്ജി​ദി​ന​ക​ത്താ​ണ് വി​ഗ്ര​ഹം സ്ഥാ​പി​ച്ച​തെ​ന്നും ഇ​വി​ടെ മു​സ്‍ലിം​ക​ൾ​ക്ക് ആ​രാ​ധ​ന മു​ട​ങ്ങി​യെ​ന്നു​മു​ള്ള സ​മൂ​ഹ​മാ​ധ്യ​മ പ്ര​ചാ​ര​ണം അ​വ​സാ​നി​പ്പി​ക്കാ​ൻ സ​യ്യി​ദ് മു​ഹ​മ്മ​ദ് യാ​സീ​ൻ വി​ഷ​യം വി​ശ​ദ​മാ​യി സം​സാ​രി​ക്കു​ന്നു:

മ​സ്ജി​ദി​ന് ര​ണ്ട് നി​ല​വ​റ​ക​ൾ

മ​സ്ജി​ദി​ന് ര​ണ്ട് നി​ല​വ​റ​ക​ളു​ണ്ട്. ​കാ​ശി വി​ശ്വ​നാ​ഥ ക്ഷേ​ത്ര​ത്തി​ന്റെ ഭാ​ഗ​ത്തേ​ക്ക് തു​റ​ക്കു​ന്ന ഒ​ന്നും വ​ട​ക്കു​ഭാ​ഗ​ത്തെ മ​റ്റൊ​ന്നും. ക​ട്ടി​യു​ള്ള ചു​വ​രു​ക​ൾ ഇ​രു​വ​ശ​ത്തും മ​സ്ജി​ദി​ൽ​നി​ന്ന് ഇ​വ​യെ വേ​റി​ട്ടു​നി​ർ​ത്തു​ന്നു​ണ്ട്. ​തെ​ക്കേ നി​ല​വ​റ ഏ​റെ​യാ​യി പ്രാ​ദേ​ശി​ക ഭ​ര​ണ​കൂ​ട​ത്തി​ന്റെ നി​യ​ന്ത്ര​ണ​ത്തി​ലാ​ണ്. വ​ർ​ഷ​ത്തി​ൽ ന​ട​ക്കു​ന്ന ന​വ​ൻ പ​ഥ് ഹി​ന്ദു ആ​ഘോ​ഷ​ങ്ങ​ൾ​ക്കാ​യു​ള്ള സാ​ധ​ന​സാ​മ​ഗ്രി​ക​ൾ ഇ​വി​ടെ​യാ​ണ് സൂ​ക്ഷി​ക്കു​ന്ന​ത്.

അ​ക​ത്തെ മു​ള​ക​ളും മ​ര​ങ്ങ​ളും മ​റ്റും പു​റ​ത്തെ​ടു​ക്കാ​നും ആ​ഘോ​ഷം ക​ഴി​ഞ്ഞ് തി​രി​ച്ചു​വെ​ക്കാ​നു​മാ​യി വ​ർ​ഷ​ത്തി​​ലൊ​രി​ക്ക​ൽ മാ​ത്ര​മാ​ണ് തു​റ​ക്കു​ന്ന​ത്. വ​ട​ക്കു​ഭാ​ഗ​​ത്തേ​തി​ൽ ര​ണ്ട് ക​ട​മു​റി​ക​ളാ​ണു​ള്ള​ത്. ഒ​ന്ന് മു​സ്‍ലിം ക​ച്ച​വ​ട​ക്കാ​ര​നു കീ​ഴി​ൽ വ​ള​ക​ൾ വി​ൽ​ക്കു​ന്ന ക​ട​യും ര​ണ്ടാ​മ​ത്തേ​ത് ഹി​ന്ദു വ്യാ​പാ​രി ന​ട​ത്തു​ന്ന ചാ​യ​ക്ക​ട​യും. ഇ​രു​വ​രും പ​ള്ളി​ക്ക​മ്മി​റ്റി​ക്ക് വാ​ട​ക ന​ൽ​കി​യ​വ​രാ​യി​രു​ന്നു.

അ​ന്ന് പൊ​ലീ​സ് ന​ൽ​കി​യ മു​ന്ന​റി​യി​പ്പ്

1992 ഡി​സം​ബ​ർ ആ​റി​ന് ബാ​ബ​രി മ​സ്ജി​ദ് ത​ക​ർ​ക്ക​പ്പെ​ട്ട​തി​നു പി​റ​കെ ര​ണ്ട് ക​ട​മു​റി​ക​ളും ഒ​ഴി​പ്പി​ച്ച് മ​സ്ജി​ദ് ക​മ്മി​റ്റി നേ​രി​ട്ട് നി​യ​ന്ത്ര​ണ​ത്തി​ലാ​ക്കാ​ൻ അ​ന്ന​ത്തെ വാ​രാ​ണ​സി ഡി.​ഐ.​ജി ച​മ​ൻ​ലാ​ൽ ആ​വ​ശ്യ​പ്പെ​ട്ടു.

അ​യോ​ധ്യ​യി​ലേ​തി​ന് സ​മാ​ന​മാ​യ പ്ര​ശ്ന​ങ്ങ​ൾ സൃ​ഷ്ടി​ക്കാ​ൻ ഈ ​സ്ഥ​ലം ഉ​പ​യോ​ഗ​പ്പെ​ടു​ത്തി​യേ​ക്കാ​മെ​ന്നാ​യി​രു​ന്നു മു​ന്ന​റി​യി​പ്പ്. ഡി.​ഐ.​ജി​യു​​ടെ ഉ​പ​ദേ​ശം പാ​ലി​ച്ച് പ​ള്ളി​ക്ക​മ്മി​റ്റി ക​ട​മു​റി​ക​ൾ ഒ​ഴി​പ്പി​ച്ചു. ഇ​രു​വ​ർ​ക്കും പ​ണം ന​ൽ​കി മ​റ്റു മു​റി​ക​ളി​ലേ​ക്ക് മാ​റ്റു​ക​യും ചെ​യ്തു. അ​ന്നു​മു​ത​ൽ ഈ ​നി​ല​വ​റ​ക​ളു​ടെ താ​ക്കോ​ൽ ക​മ്മി​റ്റി​യു​ടെ കൈ​ക​ളി​ലു​ണ്ടെ​ന്ന് യാ​സീ​ൻ പ​റ​യു​ന്നു.

മ​സ്ജി​ദ് പ​രി​സ​ര​ത്തെ ഇ​രു​മ്പു​വേ​ലി​ക​ൾ

മ​സ്ജി​ദ് പ​രി​സ​രം ഇ​രു​മ്പു​വേ​ലി​ക​ൾ കെ​ട്ടി ഭ​ദ്ര​മാ​ക്കി​യ​ത് ബാ​ബ​രി മ​സ്ജി​ദ് ത​ക​ർ​ച്ച​ക്കു​ശേ​ഷം 1993ൽ ​സു​പ്രീം​കോ​ട​തി നി​ർ​ദേ​ശ​ത്തെ തു​ട​ർ​ന്നാ​യി​രു​ന്നു. ബാ​ബ​രി മ​സ്ജി​ദ് നി​ൽ​ക്കു​ന്നി​ട​ത്ത് ത​ൽ​സ്ഥി​തി തു​ട​രാ​നാ​വ​ശ്യ​പ്പെ​ട്ട് നേ​ര​ത്തേ മു​ഹ​മ്മ​ദ് അ​സ്‍ലം എ​ന്ന ഭു​രെ ന​ൽ​കി​യ ഹ​ര​ജി​യി​ലാ​യി​രു​ന്നു പ​ര​മോ​ന്ന​ത കോ​ട​തി ഉ​ത്ത​ര​വ്. പ​ള്ളി​ക്കു​നേ​രെ​യും തീ​വ്ര​ഹി​ന്ദു​ത്വ വി​ഭാ​ഗ​ങ്ങ​ൾ അ​വ​കാ​ശ​വാ​ദം ഉ​ന്ന​യി​ക്കു​ന്നു​വെ​ന്ന​ത് പ​രി​ഗ​ണി​ച്ചാ​യി​രു​ന്നു നി​ർ​ദേ​ശം. ഇ​തേ ഭു​രെ​യു​ടെ പ​രാ​തി​യി​ലാ​ണ്, ബാ​ബ​രി വി​ഷ​യ​ത്തി​ൽ അ​ന്ന​ത്തെ യു.​പി മു​ഖ്യ​മ​ന്ത്രി ക​ല്യാ​ൺ സി​ങ് കോ​ട​തി​യ​ല​ക്ഷ്യ​ത്തി​ന് കു​റ്റ​ക്കാ​ര​നാ​ണെ​ന്ന് ക​ണ്ടെ​ത്തി​യ​ത്.

ബ്രി​ട്ടീ​ഷ് കാ​ലം മു​ത​ൽ ര​ണ്ട് നി​ല​വ​റ​ക​ൾപൂ​ജ​യെ​ന്ന വാ​ദം തെ​റ്റ്

ബ്രി​ട്ടീ​ഷ് ഭ​ര​ണ​കാ​ലം മു​ത​ൽ തെ​ക്കേ നി​ല​വ​റ​യി​ൽ പൂ​ജ തു​ട​രു​ന്ന​താ​ണെ​ന്നും മു​ലാ​യം സി​ങ് സ​ർ​ക്കാ​റാ​ണ് ക്ര​മ​പ്ര​ശ്നം നി​ര​ത്തി അ​ത് നി​ർ​ത്തി​യ​തെ​ന്നും ചി​ല മാ​ധ്യ​മ​ങ്ങ​ളി​ൽ വ​ന്ന റി​പ്പോ​ർ​ട്ടു​ക​ൾ യാ​സീ​ൻ ത​ള്ളു​ന്നു. അ​ത് തെ​ളി​വു​ക​ൾ​ക്കെ​തി​രാ​യ വാ​ദ​മാ​ണ്. 1942ലെ ​അ​ല​ഹ​ബാ​ദ് ഹൈ​കോ​ട​തി വി​ധി ഗ്യാ​ൻ​വാ​പി മ​സ്ജി​ദാ​ണെ​ന്ന് സ്ഥി​രീ​ക​രി​ച്ച​താ​​ണെ​ന്ന് യാ​സീ​ൻ പ​റ​യു​ന്നു. എ​ന്നി​ട്ടും ഇ​ന്ന​ത്തെ കോ​ട​തി​ക​ൾ ഇ​ത് അം​ഗീ​ക​രി​ക്കു​ന്നി​ല്ല. പ​ള്ളി​യും അ​സ്തി​വാ​ര​വും വ​ഖ​ഫ് ഭൂ​മി​യാ​ണെ​ന്നും അ​ന്ന് കോ​ട​തി വ്യ​ക്ത​മാ​ക്കി​യ​താ​ണ്. പ​ടി​​ഞ്ഞാ​റേ മ​തി​ലി​നോ​ടു ചേ​ർ​ന്നു​ള്ള ര​ണ്ട് ഖ​ബ​റു​ക​ളി​ൽ കൊ​ല്ലം തോ​റും ഉ​റൂ​സ് ന​ട​ന്നി​രു​ന്ന​ത് ബ്രി​ട്ടീ​ഷ് കാ​ല​ത്ത് സം​ഘാ​ട​ക​ർ അ​വ​രു​ടെ​താ​യ കാ​ര​ണ​ങ്ങ​ളാ​ൽ നി​ർ​ത്തി​വെ​ച്ച​താ​ണ്. ഇ​ത് വീ​ണ്ടും ആ​രം​ഭി​ക്കാ​ൻ ര​ണ്ടു വ​ർ​ഷം മു​മ്പ് സം​ഘാ​ട​ക​ർ കോ​ട​തി​യി​ലെ​ത്തി​യി​രു​ന്നു. തെ​ക്കേ നി​ല​വ​റ​യി​ൽ പൂ​ജ അ​നു​വ​ദി​ച്ച കോ​ട​തി പ​ക്ഷേ, ഇ​ത് അ​നു​വ​ദി​ച്ചി​ല്ലെ​ന്ന് യാ​സീ​ൻ പ​റ​യു​ന്നു.

മ​സ്ജി​ദി​ൽ ന​മ​സ്കാ​രം മു​ട​ക്കാ​ൻ ഹി​ന്ദു വി​ഭാ​ഗം ന​ൽ​കി​യ പ​രാ​തി പ​രി​ഗ​ണി​ച്ച് വാ​രാ​ണ​സി കോ​ട​തി ന​മ​സ്ക​രി​ക്കാ​ൻ എ​ത്തു​ന്ന​വ​രു​ടെ എ​ണ്ണം 20 ആ​യി നേ​ര​ത്തേ ചു​രു​ക്കി​യി​രു​ന്ന​ത് 2022 മേ​യ് 17ലെ ​ഉ​ത്ത​ര​വി​ൽ സു​പ്രീം​കോ​ട​തി നീ​ക്കി​യെ​ന്നും നി​യ​ന്ത്ര​ണ​മി​ല്ലാ​തെ ന​മ​സ്കാ​രം ന​ട​ക്കു​ന്ന​താ​യും യാ​സീ​ൻ പ​റ​ഞ്ഞു.