പ്രവാസികളുടെ സു​രക്ഷക്ക്​ മുൻഗണന നൽകും- മോദി

ബംഗ്​ളൂരു: ബംഗ്​ളൂരുവിൽ നടക്കുന്ന പ്രവാസി ഭാരതീയ സമ്മേളനം പ്രധാനമന്ത്രി ന​രേന്ദ്ര മോദി ഉദ്​ഘാടനം ചെയ്​തു. മുപ്പത്​ മില്യൺ വരുന്ന ഇന്ത്യക്കാരാണ്​ രാജ്യത്തിന്​ ​ പുറത്ത്​ താമസിക്കുന്നത്​.  സർക്കാർ ഇവരെ ബഹുമാനിക്കുന്നു.​ അവർ രാജ്യത്തിനായി നൽകിയ ​സേവനങ്ങളുടെ മുൻനിർത്തി കൊണ്ടാണ്​ അവർ ബഹുമാനം അർഹിക്കു​ന്നതെന്ന്​ പ്രധാനമന്ത്രി നരേന്ദ്രമോദി പറഞ്ഞു.  ത​​െൻറ സർക്കാർ പ്രവാസികൾക്ക്​ മുൻഗണന നൽകുമെന്നു  അദ്ദേഹം കൂട്ടിച്ചേർത്തു. 

പിഐഒ (പഴ്സൺസ് ഓഫ് ഇന്ത്യൻ ഒറിജിൻ) കാർഡ് ഉള്ളവർ അത് ഒസിഐ (ഓവർസീസ് സിറ്റിസൺസ് ഓഫ് ഇന്ത്യ) കാർഡ് ആക്കി മാറ്റണമെന്നും മോദി ആവശ്യപ്പെട്ടു.  ഇതിനായുള്ള കാലവധി ജൂൺ 30 വരെ നീട്ടി. ഇതിന്​ പിഴ ഇൗടാക്കില്ലെന്നും പ്രധാനമന്ത്രി അറിയിച്ചു.

ലോകത്ത്​ വിവിധ ഭാഗങ്ങളിലെ ഇന്ത്യൻ എംബസികൾക്ക് ആ രാജ്യങ്ങളിലെ​  ഇന്ത്യൻ പൗരൻമാരുടെ സുരക്ഷിതത്വം ഉറപ്പാക്കാനുള്ള നിർദ്ദേശം നൽകിയിട്ടുണ്ട്​. വിദേശകാര്യ വകുപ്പ്​ മന്ത്രി സുഷമാ സ്വരാജും പ്രവാസികളുടെ സുരക്ഷ ഉറപ്പാക്കുന്നതിൽ ശ്രദ്ധാലുവാണെന്നും അദ്ദേഹം പറഞ്ഞു. ആവശ്യമായ സന്ദർഭങ്ങളിൽ എത്രയും വേഗത്തിൽ പ്രവാസികൾക്ക്​ സേവനം ലഭ്യമാക്കുക എന്നതാണ്​ സർക്കാർ നയമെന്നും മോദി പറഞ്ഞു.എകദേശം 69 മില്യൺ ഡോളറാണ്​ പ്രതിവർഷം പ്രവാസികൾ രാജ്യത്തിന്​ നൽകുന്നത്​. ഇന്ത്യയിലെ യുവാക്കൾക്ക്​ ​വിദേശങ്ങളിൽ ജോലി ലഭിക്കുന്നതിനായി പ്രവാസി കൗശൽ യോജന എന്ന പദ്ധതി ആരംഭിക്കുമെന്ന്​ പ്രധാനമന്ത്രി പറഞ്ഞു. രാജ്യത്തെ യുവാക്കൾ രാജ്യത്തി​​െൻറ വികസനത്തിനായി സമയവും കഴിവും ഉപയോഗിക്കണമെന്നും പ്രധാനമന്ത്രി ആവശ്യപ്പെട്ടു. നേരിട്ടുള്ള വിദേശ നിക്ഷേപം വികസനത്തിനുള്ള ആദ്യത്തെ പടിയാണെന്ന്​  മോദി പറഞ്ഞു.

നേരത്തെ പ്രവാസി ഭാരതീയ സമ്മേളത്തിൽ ​ പോർച്ചുഗൽ പ്രധാനമന്ത്രി മരിയോ സോർസിന്​ ആദരമർപ്പിച്ചാണ്​ മോദി പ്രസംഗമാരംഭിച്ചത്​. പോർച്ചുഗൽ പ്രധാനമന്ത്രി അ​േൻറാണിയോ കോസ്​റ്റയും ചടങ്ങിൽ പ​െങ്കടുത്തിരുന്നു.