Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകോവിഡ്​ വ്യാപനം:...

കോവിഡ്​ വ്യാപനം: കേന്ദ്രസർക്കാറി​െൻറ കണക്കുകൾക്കെതിരെ പ്രശാന്ത്​ കിഷോർ

text_fields
bookmark_border
prashanth-kishor
cancel

ന്യൂഡൽഹി: കോവിഡ്​ വ്യാപനതോത്​ കുറഞ്ഞെന്ന്​ കേന്ദ്രസർക്കാറി​​െൻറ അവകാശവാദത്തിനെതിരെ തെരഞ്ഞെടുപ്പ്​ തന്ത ്രജ്ഞൻ പ്രശാന്ത്​ കിഷോർ. ആവശ്യമായ അളവിൽ പരിശോധന നടത്താത്തി​നാലാണ്​ കോവിഡ്​ സ്​ഥിരീകരിക്കുന്നവരുടെ എണ്ണം കുറ​ഞ്ഞതെന്നും കാര്യങ്ങൾ കൂടുതൽ സങ്കീർണമാകുകയാണെന്നും അദ്ദേഹം പറഞ്ഞു.

ലോക്​ഡൗണിന്​ മുമ്പ്​ കോവിഡ്​ ബാ ധിതരുടെ എണ്ണം ഇരട്ടിയാകാനെടുക്കുന്ന സമയം മൂന്നര ദിവസമായിരുന്നെന്നും ഇപ്പോഴത് ഏഴര ദിവസമായി വർധിച്ചിട്ടുണ്ട െന്നും കഴിഞ്ഞ ദിവസം കേന്ദ്രആരോഗ്യ മന്ത്രാലയം അറിയിച്ചിരുന്നു. കോവിഡ്​ വ്യാപന തോത്​ പകുതിയായി കുറഞ്ഞെന്നാ യിരുന്നു കേന്ദ്രസർക്കാർ അറിയിച്ചിരുന്നത്​.

എന്നാൽ, ഇൗ കണക്കുകൾ ശരിയല്ലെന്നാണ്​ പ്രശാന്ത്​ കിഷോർ പറയുന്നത്​. കോവിഡ്​ പരിശോധനകളുടെ എണ്ണം ആവശ്യമായ അളവിൽ വർധിപ്പിക്കാത്തത്​ കൊണ്ടാണ്​ രോഗം സ്​ഥിരീകരിക്കുന്നവരുടെ എണ്ണം കുറയുന്നത്​. ഇതിനർഥം വ്യാപനം ഉണ്ടാകുന്നി​ല്ലെന്നല്ല. രോഗ വ്യാപനം തടയാൻ വർധിപ്പിച്ച അളവിൽ പരിശോധന നടത്തുകയാണ്​ വേണ്ടത്​.

പരിശോധനകളുടെയും രോഗം സ്​ഥിരീകരിക്കുന്നവരുടെയും എണ്ണം ശതമാന കണക്കിൽ പരിഗണിക്കുന്നതാണ്​ വ്യാപനതോത്​ അറിയാൻ ശരിയായ വഴിയെന്ന്​ അദ്ദേഹം പറയുന്നു. ഇങ്ങനെ ​േനാക്കു​േമ്പാൾ 1.3 ശതമാനം മുതൽ 4.6 ശതമാനം വരെ കോവിഡ്​ വ്യാപന വർധനവാണുള്ളത്​.

കോവിഡ്​ ബാധിച്ച ​പ്രദേശങ്ങളുടെ കണക്ക്​ എടുത്താലും എറ്റവും കൂടിയ നിലയിലാണ്​ ഇപ്പോൾ ഉള്ളത്​. 408 ജില്ലകളിൽ കോവിഡ്​ രോഗികളുണ്ട്​​. ഇതുവരെയുള്ളതിൽ ഏറ്റവും കൂടിയ എണ്ണമാണിത്​.

കൂടിയ അളവിൽ പരിശോധനകൾ നടത്തി പരമാവധി രോഗ ബാധിതരെ കണ്ടെത്തുക മാത്രമാണ്​ കോവിഡ്​ വ്യാപനം തടയാനുള്ള മാർഗമെന്ന്​ വിദഗ്​ദർ പറയുന്നു. കോവിഡ്​ ബാധിച്ച്​ രാജ്യത്ത്​ കഴിഞ്ഞ ദിവസം മാത്രം മരിച്ചത്​ 47 പേരാണ്​. ഇതുവരെ 590 ആളുകൾക്ക്​ ജീവൻ നഷ്​ടമായി.

നേരത്തെ, നരേന്ദ്ര മോദിയുടെയും ബീഹാറിലെ നിതീഷ്​ കുമാറി​​െൻറയും ഡൽഹിയിൽ അരവിന്ദ്​ കെജ്​രിവാളി​​െൻറയുമെല്ലാം തെര​ഞ്ഞെടുപ്പ്​ തന്ത്രങ്ങൾ പ്രശാന്ത്​ കിഷോറി​​െൻറ നേതൃത്വത്തിൽ ആവിഷ്​കരിച്ചിരുന്നു. ബിഹാറി​െല നിതീഷ്​ കുമാറി​​െൻറ ജനതാദളിൽ ചേരുകയും പിന്നീട്​ പുറത്ത്​ വരികയും ചെയ്​തു. കോവിഡുമായി ബന്ധപ്പെട്ട കാര്യങ്ങൾ കൈകാര്യം ചെയ്യുന്നതിൽ കേന്ദ്രസർക്കാറിനെതിരെയും ബീഹാറിലെ നിതീഷ്​ കുമാറിനെതിരെയും പ്രശാന്ത്​ നിരവധി വിമർശനങ്ങൾ​ ഉന്നയിച്ചിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Prashant Kishormalayalam newsindia newsCoronaviruscovid 19corona outbreak
News Summary - Prashant Kishor Questions "Claim" Of Coronavirus Doubling Rate Slowing
Next Story