പ്രശാന്ത് ഭൂഷൺ കോടതിയിലേക്ക് ഓടിയെത്തി; അധികൃതർ പൊളിക്കൽ പൂർത്തിയാക്കി

ന്യൂ​ഡ​ൽ​ഹി: തെ​ക്കു​പ​ടി​ഞ്ഞാ​റ​ൻ ഡ​ൽ​ഹി​യി​ലെ സ​രൈ കാ​ലെ ഖാ​നി​ലെ രാ​ത്രി​താ​മ​സ കേ​ന്ദ്രം പൊ​ളി​ക്ക​ൽ ത​ട​യാ​ൻ പ്ര​മു​ഖ അ​ഭി​ഭാ​ഷ​ക​ൻ പ്ര​ശാ​ന്ത് ഭൂ​ഷ​ൺ സു​പ്രീം​കോ​ട​തി​യി​ൽ ഓ​ടി​യെ​ത്തി​യെ​ങ്കി​ലും ഫ​ല​മു​ണ്ടാ​യി​ല്ല. സു​പ്രീം​കോ​ട​തി കേ​സ് പ​രി​ഗ​ണി​ക്കും​മു​മ്പേ ഡ​ൽ​ഹി വി​ക​സ​ന അ​തോ​റി​റ്റി താ​മ​സ​കേ​ന്ദ്രം പൊ​ളി​ച്ചു​നീ​ക്കി. ഇ​തോ​ടെ പു​ന​ര​ധി​വാ​സം പ​രി​ഗ​ണി​ക്കാ​മെ​ന്ന് ഡി​വി​ഷ​ൻ ബെ​ഞ്ച് വ്യ​ക്ത​മാ​ക്കി.

ബു​ധ​നാ​ഴ്ച രാ​വി​ലെ ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡി​ന്റെ നേ​തൃ​ത്വ​ത്തി​ലു​ള്ള ബെ​ഞ്ചി​ന് മു​മ്പാ​കെ​യാ​ണ് പ്ര​ശാ​ന്ത് ഭൂ​ഷ​ൺ കേ​സ് ആ​ദ്യം ഉ​ന്ന​യി​ച്ച​ത്. ഭ​വ​ന​ര​ഹി​ത​രു​ടെ കേ​സു​ക​ൾ പ​രി​ഗ​ണി​ച്ചി​രു​ന്ന ജ​സ്റ്റി​സു​മാ​രാ​യ എ​സ്.​ആ​ർ. ഭ​ട്ടി​ന്റെ​യും ദീ​പാ​ങ്ക​ർ ദ​ത്ത​യു​ടെ​യും ബെ​ഞ്ചി​നു​മു​ന്നി​ൽ നേ​ര​ത്തേ ഉ​ന്ന​യി​ച്ചി​രു​ന്ന​താ​യും പറഞ്ഞു.ജ​സ്റ്റി​സ് ഭ​ട്ട് ഇ​ല്ലെ​ന്നും ജ​സ്റ്റി​സ് ദ​ത്ത​യു​ടെ ബെ​ഞ്ചി​ന് മു​മ്പാ​കെ ഉ​ന്ന​യി​ക്കാ​മെ​ന്നും ചീ​ഫ് ജ​സ്റ്റി​സ് വ്യ​ക്ത​മാ​ക്കി. ഇ​​തോ​ടെ ജ​സ്റ്റി​സ് ​ഹൃ​തി​കേ​ഷ് റോ​യ്, ജ​സ്റ്റി​സ് ദീ​പാ​ങ്ക​ർ ദ​ത്ത എ​ന്നി​വ​രു​ടെ ബെ​ഞ്ചി​ലേ​ക്ക് പ്ര​ശാ​ന്ത് ഭൂ​ഷ​ൺ ഓ​ടി​യെ​ത്തി. മ​റ്റൊ​രു കേ​സി​ന്റെ വാ​ദ​ത്തി​നി​ടെ ഇ​ട​പെ​ട്ട് വി​ഷ​യം ഉ​ന്ന​യി​ക്കാ​ൻ ശ്ര​മി​ച്ചു.

ഈ ​കേ​സ് ക​ഴി​ഞ്ഞാ​ലു​ട​ൻ പ​രി​ഗ​ണി​ക്കാ​മെ​ന്ന് കോ​ട​തി വ്യ​ക്ത​മാ​ക്കി. വാ​ദം പൂ​ർ​ത്തി​യാ​ക്കി​യ ​​ശേ​ഷം കേസ് പ​രി​ഗ​ണി​ച്ചു. അ​പ്പോ​​ഴേ​ക്കും അ​ധി​കൃ​ത​ർ പൊ​ളി​ക്ക​ൽ പൂ​ർ​ത്തി​യാ​ക്കി​യി​രു​ന്നു. 10.30ന് ​നി​ശ്ച​യി​ച്ചി​രു​ന്ന പൊ​ളി​ക്ക​ൽ അ​ധി​കൃ​ത​ർ പ​ത്തു​മ​ണി​ക്ക് ത​ന്നെ ന​ട​ത്തു​ക​യാ​യി​രു​ന്നെ​ന്ന് പ്ര​ശാ​ന്ത് ഭൂ​ഷ​ൺ കോ​ട​തി​യെ ബോ​ധി​പ്പി​ച്ചു. ഇ​തോ​ടെ​യാ​ണ് ഫെ​ബ്രു​വ​രി 22ന് ​ പരിഗണിക്കുന്ന ഭ​വ​ന​ര​ഹി​ത​രാ​യ​വ​രു​ടെ കേ​സിനൊപ്പം സ​രൈ കാ​ലെ ഖാ​നി​ലെ രാ​ത്രി​താ​മ​സ കേ​ന്ദ്രം വി​ഷ​യം പ​രി​ഗ​ണി​ക്ക​ണ​മെ​ന്ന പ്ര​ശാ​ന്ത് ഭൂ​ഷ​ണി​ന്റെ ആ​വ​ശ്യം ഡി​വി​ഷ​ൻ ബെ​ഞ്ച് അം​ഗീ​ക​രി​ച്ചത്.