Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right'പേടിത്തൊണ്ടനായ...

'പേടിത്തൊണ്ടനായ കുട്ടി അധ്യാപകന്​ മുന്നിൽ',അവസാനം ഗെറ്റൗട്ടും;പഴയ ചിത്രം കുത്തിപ്പൊക്കി പ്രശാന്ത്​ഭൂഷൻ

text_fields
bookmark_border
പേടിത്തൊണ്ടനായ കുട്ടി അധ്യാപകന്​ മുന്നിൽ,അവസാനം ഗെറ്റൗട്ടും;പഴയ ചിത്രം കുത്തിപ്പൊക്കി പ്രശാന്ത്​ഭൂഷൻ
cancel

കേന്ദ്ര മന്ത്രിസഭാ പുനസംഘടനക്ക്​ പിന്നാലെ പഴയൊരു ചിത്രം കുത്തിപ്പൊക്കി ആക്​ടിവിസ്​റ്റും അഭിഭാഷകനുമായ പ്രശാന്ത്​ഭൂഷൻ. പഴയ കേന്ദ്ര മന്തിസഭാ യോഗത്തിൽ ഉയർന്ന പ്ലാറ്റ്​ഫോമിൽ ഇരിക്കുന്ന മോദിയുടെ മുന്നിൽ അനുസരണയോടെ നിൽക്കുന്ന ആരോഗ്യമന്ത്രി ഹർഷവർധ​െൻറ ചിത്രമാണ്​ പ്രശാന്ത്​ഭൂഷൻ ട്വിറ്ററിൽ പങ്കുവച്ചത്​. 'പേടിത്തൊണ്ടനായ കുട്ടി അധ്യാപകന്​ മുന്നിൽ. ക്ലാസിൽ നിന്ന്​ ഇറങ്ങിപ്പോ'-എന്ന കാപ്​ഷ​നോടെയാണ്​ ചിത്രം പങ്കുവച്ചിരിക്കുന്നത്​. ഗമയിൽ പുസ്​തവും പിടിച്ചിരിക്കുന്ന മോദിയുടെ മുന്നിൽ എഴുന്നേറ്റ്​ നിൽക്കുന്ന ഹർഷവർധ​െൻറ ചിത്രം ആരിലും സഹതാപം ഉണർത്തും. പുതിയ മന്ത്രിസഭാ പുനസംഘടനയിൽ ഹർഷവർധനെ ഉത്തരവാദിത്വങ്ങളിൽ വീഴ്​ച്ച വരുത്തി എന്ന്​ ആരോപിച്ച്​ പുറത്താക്കുകയും ചെയ്​തിരുന്നു.


രണ്ടാം മോദി മന്ത്രിസഭയുടെ ആദ്യ പുനസംഘടനയിൽ 36 പുതിയ മന്ത്രിമാരാണ്​ സത്യപ്രതിജ്ഞ ചെയ്തത്​. രാഷ്​​​ട്രപതി ഭവനിൽ ബുധനാഴ്​ച വൈകീട്ട്​ ആറ്​ മണിക്ക്​ കോവിഡ്​ മാനദണ്ഡങ്ങൾ പാലിച്ച്​ നടന്ന ചടങ്ങിൽ രാഷ്​​​​്ട്രപതി രാംനാഥ്​ കോവിന്ദ്​ മന്ത്രിമാർക്ക്​ സത്യവാചകം ചൊല്ലിക്കൊടുത്തു. നിലവിലെ മന്ത്രിസഭയിൽനിന്ന്​ 12 പേരെ രാജിവെപ്പിച്ച്​ 43 ​അംഗങ്ങളെ ഉൾപ്പെടുത്തി. ഏഷ്യാനെറ്റ്​ മേധാവി രാജീവ്​ ചന്ദ്രശേഖർ മന്ത്രിയായതോടെ വി. മുരളീധരന്​ പുറമെ കേ​ന്ദ്ര മന്ത്രിസഭയിലെ മലയാളി പ്രാതിനിധ്യം രണ്ടായി.

രവിശങ്കർ പ്രസാദ്​, പ്രകാശ്​ ജാവ്​ദേകർ, ഹർഷ്​ വർധൻ, സദാനന്ദ ഗൗഡ, സന്തോഷ്​ ഗ്യാങ്​വർ തുടങ്ങി ഏഴ്​ കാബിനറ്റ്​ റാങ്കുകാർ അടക്കം 12 മന്ത്രിമാർ പുറത്തായി. സഹമന്ത്രിമാരായിരുന്ന അനുരാഗ്​ ഠാകുർ, പുരുഷോത്തം രൂപാല, ജി. കിഷൻ റെഡ്ഡി തുടങ്ങിയവരടക്കം നിലവിലുള്ള ഏഴു​ മന്ത്രിമാരെ കാബിനറ്റ്​ റാങ്ക്​ നൽകി ഉയർത്തി.

മുൻ ശിവസേന നേതാവ്​ നാരായൺ റാണെ, മുൻ കോൺഗസ്​ നേതാവ്​ ജ്യോതിരാദിത്യ സിന്ധ്യ, മുൻ അസം മുഖ്യമന്ത്രി സർബാനന്ദ സോനോവാൾ, സുപ്രീംകോടതി അഭിഭാഷക മീനാക്ഷി ലേഖി തുടങ്ങി ബി.ജെ.പിയിൽനിന്നും ഘടകകക്ഷികളിൽനിന്നുമായി 36 പേരെ​ മന്ത്രിസഭയിൽ ഉൾപ്പെടുത്തി.


രവി ശങ്കർ പ്രസാദും പ്രകാശ്​ ജാവ്​ദേക്കറും അടക്കം പ്രമുഖർ പുറത്തായി. പുനസംഘടനയിൽ പ്രമുഖ കേന്ദ്ര മന്ത്രിമാരാണ് പുറത്തായത്. ഏഴ്​ കാബിനറ്റ്​ മന്ത്രിമാർ അടക്കം 12 പേർക്കാണ്​ കസേര നഷ്​ടമായത്​. നിയമ, ​െഎ.ടി മന്ത്രി രവി ശങ്കർ പ്രസാദ്​, വാർത്താവിതരണ പ്രക്ഷേപണ, വനം പരിസ്​ഥിതി മന്ത്രി പ്രകാശ്​ ജാവ്​ദേക്കർ, കേന്ദ്ര ആരോഗ്യ മന്ത്രി ഹർഷ്​ വർധൻ, രാസവളം മന്ത്രി സദാനന്ദ ഗൗഡ, തൊഴിൽ മന്ത്രി സന്തോഷ്​ ഗ്യാങ്​വർ, വിദ്യാഭ്യാസ മന്ത്രി രമേശ്​ പൊഖ്​റിയാൽ എന്നീ പ്രമുഖ നേതാക്കളെയാണ്​ രാജിവെപ്പിച്ചത്​. കേന്ദ്ര വിദ്യാഭ്യാസ സഹമന്ത്രി സഞജയ്​ ധോത്​റെ, പശ്ചിമ ബംഗാളിൽ നിന്നുള്ള മന്ത്രിമാരായ ബാബുൽ സുപ്രിയോ, ദേബശ്രീ ചൗധരി, റാവു സാഹെബ്​ ധാൻവെ പാട്ടീൽ, രത്തൻ ലാൽ കട്ടാരിയ, പ്രതാപ്​ ചന്ദ്ര സാരംഗി എന്നിവർക്കും രാജിവെക്കേണ്ടി വന്നു.

Show Full Article
TAGS:Prashant Bhushan Narendra Modi Dr Harshwardhan 
Next Story