പ്ര​ജ്വ​ൽ രേ​വ​ണ്ണ​യു​ടെ ക​സ്റ്റ​ഡി ജൂ​ൺ 10 വ​രെ നീ​ട്ടി

ബം​ഗ​ളൂ​രു: ലൈം​ഗി​കാ​തി​ക്ര​മ കേ​സി​ൽ അ​റ​സ്റ്റി​ലാ​യ ജെ.​ഡി-​എ​സ് മു​ൻ എം.​പി പ്ര​ജ്വ​ൽ രേ​വ​ണ്ണ​യു​ടെ ജു​ഡീ​ഷ്യ​ൽ ക​സ്റ്റ​ഡി നാ​ലു ദി​വ​സ​ത്തേ​ക്കു കൂ​ടി നീ​ട്ടി. ജ​ന​പ്ര​തി​നി​ധി​ക​ളു​മാ​യി ബ​ന്ധ​പ്പെ​ട്ട കേ​സ് പ​രി​ഗ​ണി​ക്കു​ന്ന ബം​ഗ​ളൂ​രു​വി​ലെ പ്ര​ത്യേ​ക കോ​ട​തി​യി​ൽ വ്യാ​ഴാ​ഴ്ച രാ​വി​ലെ പ്ര​ജ്വ​ലി​നെ കേ​സ് അ​ന്വേ​ഷി​ക്കു​ന്ന എ​സ്.​​ഐ.​ടി സം​ഘം ഹാ​ജ​രാ​ക്കി. പ്ര​ജ്വ​ൽ ചോ​ദ്യം ചെ​യ്യ​ലു​മാ​യി കാ​ര്യ​മാ​യി സ​ഹ​ക​രി​ക്കു​ന്നി​ല്ലെ​ന്നാ​ണ് അ​ന്വേ​ഷ​ണ സം​ഘം അ​റി​യി​ച്ച​ത്. വി​ശ​ദ​മാ​യ ചോ​ദ്യം ചെ​യ്യ​ലി​നാ​യി കൂ​ടു​ത​ൽ സ​മ​യം അ​നു​വ​ദി​ക്ക​ണ​മെ​ന്ന എ​സ്.​ഐ.​ടി​യു​ടെ ആ​വ​ശ്യം ക​ണ​ക്കി​ലെ​ടു​ത്ത കോ​ട​തി, ജൂ​ൺ 10 വ​രെ പ്ര​ജ്വ​ലി​ന്റെ ക​സ്റ്റ​ഡി തു​ട​രാ​ൻ ഉ​ത്ത​ര​വി​ട്ടു.

ലൈം​ഗി​ക പീ​ഡ​ന​വു​മാ​യി ബ​ന്ധ​പ്പെ​ട്ട വി​ഡി​യോ​ക​ൾ പു​റ​ത്തു​വ​ന്ന​തി​ന് പി​ന്നാ​ലെ വി​ദേ​ശ​ത്തേ​ക്ക് ക​ട​ന്ന പ്ര​ജ്വ​ലി​നെ ജ​ർ​മ​നി​യി​ൽ​നി​ന്ന് തി​രി​ച്ചെ​ത്തി​ച്ച അ​ന്വേ​ഷ​ണ സം​ഘം മേ​യ് 31ന് ​ബം​ഗ​ളൂ​രു കെം​പ​ഗൗ​ഡ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ​വെ​ച്ച് അ​റ​സ്റ്റ് ചെ​യ്യു​ക​യാ​യി​രു​ന്നു. അ​ന്നു​ത​ന്നെ കോ​ട​തി​യി​ൽ ഹാ​ജ​രാ​ക്കി. റി​മാ​ൻ​ഡ് കാ​ലാ​വ​ധി വ്യാ​ഴാ​ഴ്ച അ​വ​സാ​നി​ച്ച​തോ​ടെ​യാ​ണ് അ​ന്വേ​ഷ​ണ സം​ഘം ക​സ്റ്റ​ഡി കാ​ലാ​വ​ധി നീ​ട്ടാ​ൻ കോ​ട​തി​യോ​ട് അ​നു​മ​തി തേ​ടി​യ​ത്.

ജെ.​ഡി-​എ​സ് അ​ധ്യ​ക്ഷ​ൻ എ​ച്ച്.​ഡി. ദേ​വ​ഗൗ​ഡ​യു​ടെ മ​ക​നും മു​ൻ മ​ന്ത്രി​യു​മാ​യ എ​ച്ച്.​ഡി. രേ​വ​ണ്ണ​യു​ടെ​യും ജെ.​ഡി-​എ​സ് വ​നി​താ നേ​താ​വ് ഭ​വാ​നി രേ​വ​ണ്ണ​യു​ടെ​യും മ​ക​നാ​ണ് 33കാ​ര​നാ​യ പ്ര​ജ്വ​ൽ. 2019 ലോ​ക്സ​ഭ തെ​ര​ഞ്ഞെ​ടു​പ്പി​ൽ ഹാ​സ​നി​ൽ​നി​ന്ന് വി​ജ​യി​ച്ച പ്ര​ജ്വ​ൽ ജെ.​ഡി-​എ​സി​ന്റെ ഏ​ക എം.​പി​യാ​യി​രു​ന്നു. ഇ​ത്ത​വ​ണ​യും മ​ത്സ​രി​ച്ചെ​ങ്കി​ലും കോ​ൺ​ഗ്ര​സി​ന്റെ ശ്രേ​യ​സ് പ​ട്ടേ​ൽ എ​ന്ന പു​തു​മു​ഖ​ക്കാ​ര​നോ​ട് അ​ടി​യ​റ​വ് പ​റ​ഞ്ഞു.