ഇന്ത്യൻ നയ​തന്ത്ര പ്രതിനിധികളുടെ ക്രിസ്​മസ് ഇരുട്ടിലാക്കി പാകിസ്​താൻ

ഇ​സ്‌​ലാ​മാ​ബാ​ദ്: ക്രിസ്​മസ്​ ആഘോഷരാവിൽ പാ​കി​സ്​താനിലെ ഇ​ന്ത്യ​ൻ ന​യ​ത​ന്ത്ര ഉ​ദ്യോ​ഗ​സ്ഥ​രു​ടെ ഇ വസതികളിൽ വൈദ്യുതി വിഛേദിച്ചതായി പരാതി. ഉ​ദ്യോ​ഗ​സ്ഥ​രു​ടെ വ​സ​തി​ക​ളി​ൽ നാ​ല് മ​ണി​ക്കൂ​റാണ്​ വൈ​ദ്യു​തി ത​ട​സ​പ്പെ​ട്ടത്​. സെക്കൻറ്​ സെക്രട്ടറിയുടെ വസതിയിൽ ഉൾപ്പെടെ വൈദ്യുതി തടസപ്പെടുത്തിയെന്നും ഇത്​ മനപൂർവമുള്ള നടപടിയാണെന്നും ഇ​ന്ത്യ​ൻ ഹൈ​ക​മീഷ​ൻ പാക് ​വി​ദേ​ശ​കാ​ര്യ മ​ന്ത്രാ​ല​യ​ത്തിന്​ നൽകിയ പരാതിയിൽ പറയുന്നു. ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ ന​ട​പ​ടി എ​ടു​ക്ക​ണ​മെ​ന്നും ഹൈകമീഷൻ ആവശ്യപ്പെട്ടു.

ഡി​സം​ബ​ർ 25 ന് ​രാ​വി​ലെ ഏ​ഴ് മു​ത​ൽ 10.45 വ​രെയാണ്​ ന​യ​ത​ന്ത്ര ഉ​ദ്യോ​ഗ​സ്ഥ​രു​ടെ വ​സ​തി സ്ഥി​തി​ചെ​യ്യു​ന്ന ഇ​സ്‌​ലാ​മാ​ബാ​ദി​ലെ സ്ട്രീ​റ്റ് 18 ൽ ​വൈ​ദ്യു​തി വിഛേദിക്കപ്പെട്ടത്​. ഇ​തോ​ടെ ക്രി​സ്മ​സ് ദി​ന​ത്തി​ൽ കു​ടും​ബാം​ഗ​ങ്ങ​ളു​മാ​യി​പോ​ലും ബ​ന്ധ​പ്പെ​ടാ​ൻ ഉ​ദ്യോ​ഗ​സ്ഥ​ർ​ക്ക് സാ​ധി​ച്ചി​ല്ലെ​ന്ന് ഹൈ​കമീ​ഷ​ൻ പ​രാ​തി​യി​ൽ പ​റ​ഞ്ഞു. എ​ന്നാ​ൽ പാകിസ്​താൻ ഉ​ന്ന​ത ഉ​ദ്യോ​ഗ​സ്ഥ​രു​ടെ വ​സ​തി​ക​ളി​ൽ വൈ​ദ്യു​തി ഉ​ണ്ടാ​യി​രു​ന്ന​താ​യും വൈ​ദ്യു​തി ബ​ന്ധം വിഛേദിച്ചത്​ മനപൂർവമല്ലെന്നുമാണ്​ വിശദീകരണം.

നേ​ര​ത്തെ ഇ​ന്ത്യ​ൻ ഹൈ​ക​മീ​ഷ​ണ​റു​ടെ വ​സ​തി​യി​ൽ പാ​ച​ക​വാ​ത​ക ക​ണ​ക്ഷ​ൻ ന​ൽ​കാ​ൻ പാ​കിസ്​താൻ ത​യാ​റാ​യി​രു​ന്നി​ല്ല. ടെലിഫോൺ കണക്​ഷനും നൽകിയിരുന്നില്ല. ഫർണിച്ചറുകൾ അതിർത്തിയിൽ പിടിച്ചുവെക്കുകയും ചെയ്​തിരുന്നു. ഇ​ന്ത്യ ഇ​ട​പെ​ട്ട ശേ​ഷ​മാ​ണ് പാ​ച​ക​വാ​ത​ക ക​ണ​ക്ഷ​നും ടെലിഫോൺ കണക്ഷനും നൽകാൻ പാകിസ്​താൻ തയാറായത്​.