കൊൽക്കത്തയിൽ അമിത്​ ഷായെ വരവേൽക്കുന്നത്​ ‘ഗോ ബാക്ക്​’ പോസ്​റ്റുകൾ

കൊൽക്കത്ത: പശ്​ചിമബംഗാളിൽ എത്തുന്ന ബി.ജെ.പി ദേശീയ അധ്യക്ഷൻ അമിത്​ ഷായെ വരവേൽക്കുന്നത്​ ഗോ ബാക്ക്​ പോസ്​റ്റുകൾ. കൊൽക്കത്തയിൽ റാലിക്കെത്തുന്ന അമിത്​ ഷാ തിരികെ പോകണമെന്ന്​ ആവശ്യപ്പെട്ടുള്ള പോസ്​റ്ററുകളാണ്​ നഗരത്തിൽ നിറയുന്നത്​. ബംഗാളിനെതിരെ നിലപാടെടുക്കുന്ന പാർട്ടിയാണ്​ ബി.ജെ.പിയെന്നും പോസ്​റ്ററുകളിൽ പറയുന്നു.

Ahead of BJP President Amit Shah's rally in Kolkata today, posters reading 'Anti-Bengal BJP Go Back' seen on the streets; #visuals from around Mayo road. #WestBengal. (10.08.18) pic.twitter.com/04jPzVmLUE

— ANI (@ANI) August 11, 2018

നേരത്തെ അമിത്​ ഷായുടെ റാലിക്ക്​ ബംഗാൾ സർക്കാർ അനുമതി നിഷേധിക്കുന്നുവെന്ന്​ ബി.ജെ.പി ആരോപണം ഉയർത്തിയിരുന്നു. എന്നാൽ അനുമതി ഇല്ലെങ്കിലും പശ്​ചിമബംഗാളിൽ റാലി നടത്തുമെന്ന്​ അമിത്​ ഷാ അറിയിച്ചിരുന്നു. 

റാലിക്കായി അപേക്ഷ നൽകിയപ്പോൾ തന്നെ അനുമതി കൊടുത്തിരുന്നുവെന്ന്​ പിന്നീട്​ ബംഗാൾ സർക്കാർ വ്യക്​തമാക്കി. രാഷ്​ട്രീയപ്രേരിതമായാണ്​ റാലിക്ക്​ അനുമതി നിഷേധിച്ചുവെന്ന്​ ബി.ജെ.പി ആരോപിക്കുന്നതെന്നും പശ്​ചിമബംഗാൾ സർക്കാർ അറിയിച്ചിരുന്നു.