യുവമനസുകളെ മലിനമാക്കുന്നു; 'ബോംബെ ബീഗംസി'ന്‍റെ സംപ്രേക്ഷണം നിർത്തിവെക്കാൻ നെറ്റ്​ഫ്ലിക്​സിന്​ നിർദേശം

ന്യൂഡൽഹി: നെറ്റ്​ഫ്ലിക്​സ്​ വെബ്​ സീരീസായ 'ബോംബെ ബീഗംസി'ന്‍റെ സംപ്രേക്ഷണം നിർത്തിവെക്കണമെന്ന്​ നിർദ്ദേശം. കുട്ടികളെ തെറ്റായി ചിത്രീകരിക്കുന്നുവെന്ന്​ ചൂണ്ടിക്കാട്ടി നാഷനൽ കമീഷൻ ഫോർ പ്രൊട്ടക്ഷൻ ഓഫ്​ ചൈൽഡ്​ റൈറ്റ്​സി​േന്‍റതാണ്​ (എൻ.സി.പി.സി.ആർ) ​നിർദേശം.

​വെബ്​സീരിസുമായി ബന്ധപ്പെട്ട്​ ഒ.ടി.ടി പ്ലാറ്റ്​ഫോമായ നെറ്റ്​ഫ്ലിക്​സിന്​ 24 മണിക്കൂറിനകം വിശദീകരണം ആവശ്യപ്പെട്ട്​ നോട്ടീസ്​ അയക്കുകയും ചെയ്​തു. വിശദീകരണം തൃപ്​തികരമല്ലെങ്കിൽ നിയമ നടപടി സ്വീകരിക്കുമെന്നും നോട്ടീസിൽ പറയുന്നു.

വെബ്​സീരീസിൽ കുട്ടി​കളെ ചിത്രീകരിക്കുന്ന രീതി യുവമനസുകളെ മലിനമാക്കുമെന്നും അതുവഴി കുട്ടികളെ ചൂഷണത്തിനും ദുരുപയോഗത്തിനും വിധേയമാക്കുമെന്നും എൻ.സി.പി.സി.ആർ പറയുന്നു.

പ്രായപൂർത്തിയാകാത്തവരുടെ ലൈംഗികതയും മയക്കുമരുന്ന്​ ഉപയോഗവും സാധാരണമായി വെബ്​സീരീസിൽ ചിത്രീകരിച്ചിരിക്കുന്നുവെന്ന പരാതിയെ തുടർന്നാണ്​ നടപടി. ഇത്തരം ഉള്ളടക്കങ്ങൾ സംപ്രേക്ഷണം ​െചയ്യു​േമ്പാൾ നെറ്റ്​ഫ്ലിക്​സ്​ ജാഗ്രത പുലർത്തണമെന്നും നോട്ടീസിൽ പറയുന്നു.

അഞ്ചു സ്​ത്രീകളുടെ കഥ പറയുന്ന വെബ്​സീരീസാണ്​ ബോംബെ ബീഗംസ്​. വിവിധ സമൂഹങ്ങളിൽനിന്നെത്തിയ സ്​ത്രീകളുടെ ജീവിത സാഹചര്യങ്ങളാണ്​ സീരീസിന്‍റെ ആധാരം.​