ഇന്ന്​ വോട്ടെടുപ്പ്​ നക്സൽ മേഖലകളിൽ

ഛത്തി​സ്ഗ​ഢി​ൽ ചൊ​വ്വാ​ഴ്ച ആ​ദ്യ​ഘ​ട്ട വോ​ട്ടെ​ടു​പ്പ് ന​ട​ക്കു​ന്ന​ത് പ്ര​ധാ​ന​മാ​യും ന​ക്സ​ൽ സ്വാ​ധീ​ന മേ​ഖ​ല​ക​ളി​ൽ. സു​ക്​​മ, ദ​ന്തേ​വാ​ഡ, ബി​ജാ​പു​ർ, നാ​രാ​യ​ൺ​പു​ർ ജി​ല്ല​ക​ൾ ഉ​ൾ​പ്പെ​ടു​ന്ന ബ​സ്ത​ർ മേ​ഖ​ല​യി​ലെ 12 മ​ണ്ഡ​ല​ങ്ങ​ളും ന​ക്സ​ൽ സ്വാ​ധീ​ന പ്ര​ദേ​ശ​ങ്ങ​ളാ​ണ്. മു​ൻ മു​ഖ്യ​മ​ന്ത്രി​യും ബി.​ജെ.​പി നേ​താ​വു​മാ​യ ര​മ​ൺ​സി​ങ് മ​ത്സ​രി​ക്കു​ന്ന രാ​ജ്ന​ന്ദ്ഗാ​വ്, നി​യ​മ​മ​ന്ത്രി​യും ഏ​ക മു​സ്‍ലിം സ്ഥാ​നാ​ർ​ഥി​യു​മാ​യ മു​ഹ​മ്മ​ദ് അ​ക്ബ​ർ മ​ത്സ​രി​ക്കു​ന്ന ക​വ​ധ എ​ന്നി​വ ഉ​ൾ​പ്പെ​ടു​ന്ന​താ​ണ് ബാ​ക്കി എ​ട്ട് മ​ണ്ഡ​ല​ങ്ങ​ൾ.

2018ൽ ​ഭ​ര​ണ​ത്തി​ലേ​റാ​ൻ കോ​ൺ​ഗ്ര​സി​ന് ബ​സ്ത​ർ ​മേ​ഖ​ല​യി​ൽ​നി​ന്ന് വ​ലി​യ പി​ന്തു​ണ​യാ​ണ് ല​ഭി​ച്ച​ത്. ഭൂ​രി​പ​ക്ഷം ആ​ദി​വാ​സി​ക​ളു​ള്ള മ​ണ്ഡ​ല​ത്തി​ൽ 12ൽ 11 ​സീ​റ്റും കോ​ൺ​ഗ്ര​സി​ന് നേ​ടാ​നാ​യി. പി​ന്നീ​ട് ന​ട​ന്ന ഉ​പ​തെ​ര​ഞ്ഞെ​ടു​പ്പി​ൽ ന​ഷ്ട​മാ​യ സീ​റ്റും തി​രി​ച്ചു​പി​ടി​ച്ച് കോ​ൺ​ഗ്ര​സ് ബ​സ്ത​ർ തൂ​ത്തു​വാ​രി. ബ​സ്ത​റി​ന് പു​റ​മെ​യു​ള്ള എ​ട്ട് മ​ണ്ഡ​ല​ങ്ങ​ളി​ൽ ഏ​ഴും കോ​ൺ​ഗ്ര​സി​ന് ത​ന്നെ​യാ​ണ് ല​ഭി​ച്ച​ത്.

ഇ​ക്കു​റി ബ​സ്ത​റി​ലെ 12ൽ ​എ​ട്ടു സീ​റ്റു​ക​ളി​ൽ കോ​ൺ​ഗ്ര​സി​ന് ഉ​റ​ച്ച വി​ജ​യ പ്ര​തീ​ക്ഷ​യു​ണ്ട്. ദ​ന്തേ​വാ​ഡ, അ​ന​ന്ത്ഗ​ഡ്, നാ​രാ​യ​ൺ​പു​ർ, കാ​ങ്ക​ർ മ​ണ്ഡ​ല​ങ്ങ​ളി​ലാ​ണ് വി​ജ​യ സാ​ധ്യ​ത​ക്കു​റ​വ് ക​ൽ​പ്പി​ക്കു​ന്ന​ത്. ദ​ന്തേ​വാ​ഡ​യി​ലും കാ​ങ്ക​റി​ലും അ​ന​ന്ത്ഗ​ഡി​ലും വി​ജ​യ​പ്ര​തീ​ക്ഷ​ക്ക് മ​ങ്ങ​ലേ​ൽ​പി​ക്കു​ന്ന​ത് പാ​ർ​ട്ടി​ക്കു​ള്ളി​ലെ ഉ​ൾ​പ്പോ​രാ​ണ്. ആ​ദി​വാ​സി മ​ത​പ​രി​വ​ർ​ത്ത​ന​വു​മാ​യി ബ​ന്ധ​പ്പെ​ട്ട വ​ർ​ഗീ​യ പ്ര​ചാ​ര​ണം ബി.​ജെ.​പി മു​ത​ലെ​ടു​ക്കു​ന്ന​തും മ​ത​പ​രി​വ​ർ​ത്തി​ത ആ​ദി​വാ​സി​യെ സി.​പി.​ഐ സ്ഥാ​നാ​ർ​ഥി​യാ​ക്കി​യ​തു​മാ​ണ് നാ​ര​യ​ൺ​പു​രി​ലു​ണ്ടാ​യ പ്ര​തി​സ​ന്ധി.

മ​ന്ത്രി ക​വാ​സി ല​ക്മ മ​ത്സ​രി​ക്കു​ന്ന സു​കു​മ​യി​ൽ കോ​ൺ​ഗ്ര​സ്, ബി.​ജെ.​പി, സി.​പി.​ഐ ത്രി​കോ​ണ മ​ത്സ​ര​മാ​ണ് ന​ട​ക്കു​ന്ന​തെ​ങ്കി​ലും കോ​ൺ​ഗ്രി​നാ​ണ് മു​ൻ​തൂ​ക്കം.

ബ​സ്ത​റി​ന് പു​റ​ത്തു​ള്ള എ​ട്ടു സീ​റ്റു​ക​ളി​ൽ ര​മ​ൺ​സി​ങ് മ​ത്സ​രി​ക്കു​ന്ന രാ​ജ്ന​ന്ദ്ഗാ​വി​ൽ ക​ടു​ത്ത മ​ത്സ​ര​മാ​ണെ​ങ്കി​ലും ബി.​ജെ.​പി​ക്കാ​ണ് മു​ൻ​തൂ​ക്കം. മു​ഹ​മ്മ​ദ് അ​ക്ബ​ർ മ​ത്സ​രി​ക്കു​ന്ന 95 ശ​ത​മാ​നം ഹി​ന്ദു ജ​ന​സം​ഖ്യ​യു​ള്ള ക​വ​ധ​യി​ൽ യു.​പി മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ് ഉ​ൾ​പ്പെ​ടെ​യു​ള്ള​വ​രെ​ത്തി വ​ർ​ഗീ​യ​ത ആ​ളി​ക്ക​ത്തി​ച്ചി​ട്ടു​ണ്ട്. എ​ങ്കി​ലും ​അ​ക്ബ​റി​ന്റെ ജ​ന​കീ​യ​ത​യി​ൽ വി​ജ​യി​ച്ച് ക​യ​റാ​നാ​കു​മെ​ന്നാ​ണ് കോ​ൺ​ഗ്ര​സ് വി​ല​യി​രു​ത്ത​ൽ.

ആ​ദ്യ​ഘ​ട്ട തെ​ര​ഞ്ഞെ​ടു​പ്പ് ന​ട​ക്കു​ന്ന മേ​ഖ​ല​ക​ളി​ൽ 2018ൽ ​അ​ജി​ത് ജോ​ഗി​യു​ടെ ജെ.​സി.​സി​യും സി.​പി.​ഐ​യും കോ​ൺ​ഗ്ര​സി​ന് വെ​ല്ലു​വി​ളി സൃ​ഷ്ടി​ച്ചി​രു​ന്നു. ജോ​ഗി​യു​​ടെ മ​ര​ണ​ത്തെ​ത്തു​ട​ർ​ന്നു​ണ്ടാ​യ ജെ.​സി.​സി​യു​ടെ ത​ള​ർ​ച്ച​യും ചി​ഹ്നം കി​ട്ടാ​തെ തെ​ര​ഞ്ഞെ​ടു​പ്പ് ചി​ത്ര​ത്തി​ൽ​നി​ന്ന് സി.​പി.​ഐ പു​റ​ത്താ​യ​തും കോ​ൺ​​ഗ്ര​സി​ന്റെ സാ​ധ്യ​ത ഉ​യ​ർ​ത്തു​ന്നു. ആ​ദി​വാ​സി വി​ഭാ​ഗ​ത്തി​ൽ​നി​ന്ന് ഒ​ന്നി​ല​ധി​കം പാ​ർ​ട്ടി​ക​ൾ മ​ത്സ​ര​രം​ഗ​ത്തു​ണ്ട്. ഇ​ത് ത​ങ്ങ​ൾ​ക്ക് നേ​ട്ട​മാ​കു​മെ​ന്നാ​ണ് ബി.​ജെ.​പി വി​ല​യി​രു​ത്ത​ൽ.