You are here

​യോഗിയുടെ വിവാദ പരാമർശത്തിൽ തെരഞ്ഞെടുപ്പ്​ കമീഷൻ വിശദീകരണം തേടി

20:06 PM
01/04/2019
yogi-adityanath.

ന്യൂഡൽഹി: സൈന്യത്തെ മോദിയുടെ സേനയെന്ന വിശേഷിപ്പിച്ച യോഗി ആദിത്യനാഥിൻെറ പ്രസ്​താവനയിൽ തെരഞ്ഞെടുപ്പ്​ കമീഷൻ വിശദീകരണം തേടി. ജില്ലാ മജിസ്​ട്രേറ്റിനോട്​ കമീഷൻ വിശദീകരണം തേടിയെന്നാണ്​ റിപ്പോർട്ടുകൾ. മാധ്യമ വാർത്തകളുടെ അടിസ്ഥാനത്തിലാണ്​ നടപടി.

കോൺഗ്രസ്​ തീവ്രവാദികൾക്ക്​ ബിരിയാണി കൊടുത്തു. എന്നാൽ മോദി സേന അവരെ ബുള്ളറ്റുകളും ബോംബുകളുമായി നേരിട്ടു. ഇതാണ്​ വ്യത്യാസം. കോൺഗ്രസ്​ മസൂദ്​ അസ്​ഹറിനെ പോലുള്ള തീവ്രവാദികളെയാണ്​ ​പിന്തുണക്കുന്നതെന്നുമായിരുന്നു യോഗി ആദിത്യനാഥിൻെറ വിവാദ പ്രസ്​താവന. ഗാസിയാബാദിലെ റാലിയിലായിരുന്നു യോഗി ആദിത്യനാഥ്​ പ്രസംഗം നടത്തിയത്​.

അഖ്​ലാക്ക്​ വധത്തെ സംബന്ധിച്ചുള്ള യോഗി ആദിത്യനാഥിൻെറ പ്രസ്​താവനയും വിവാദമായിരുന്നു. അഖ്​ലാക്​ വധത്തിലെ പ്രതികളെ സാക്ഷിയാക്കിയായിരുന്നു യോഗിയുടെ പ്രസ്​താവന.

Loading...
COMMENTS