രാഷ്ട്രീയക്കാർ രാജാവും റാണിയും അല്ല, മൈക്ക് കിട്ടിയാൽ ആകാശം അതിരാണെന്ന് വിചാരിക്കരുത് - മദ്രാസ് ഹൈകോടതി

ചെന്നൈ: രാഷ്ട്രീയക്കാർ രാജാവും റാണിയും ആണെന്ന് കരുതരുതെന്ന് മദ്രാസ് ഹൈകോടതി. രാജാവിന് തെറ്റ്‌ പറ്റില്ലെന്ന പ്രമാണത്തിലെ പരിരക്ഷ ജനാധിപത്യത്തിൽ ഇല്ല. മൈക്ക് കിട്ടിയാൽ ആകാശം മാത്രമാണ് അതിരെന്ന് നിലയിലാണ് പലരുടെയും സംസാരമെന്നും കോടതി കുറ്റപ്പെടുത്തി.

കോടതികൾക്ക് കാഴ്ചക്കാരായി നിൽക്കാനാകില്ലെന്നും ജസ്റ്റിസ് പി. വേൽമുരുകൻ പറഞ്ഞു. മുൻമന്ത്രി കെ.പൊന്മുടിക്കെതിരായ കേസിലാണ് പരാമർശം. ഹൈന്ദവർക്കും സ്ത്രീകൾക്കും എതിരായ അശ്ലീലപരാമർശത്തിൽ കോടതി സ്വമേധയാ കേസെടുത്തിരുന്നു. പരാതി തീർപ്പാക്കിയെന്ന് പൊലീസ് അറിയിച്ചെങ്കിലും കേസ് റദ്ദാക്കാൻ കോടതി വിസമ്മതിച്ചു.

പോലീസ് നടപടി സ്വീകരിച്ചില്ലെങ്കിൽ സി.ബി.ഐ അന്വേഷണം ഉണ്ടാകുമെന്ന് ജസ്റ്റിസ് വേൽമുരുകൻ മുന്നറിയിപ്പ് നൽകി.