പശുക്കടത്ത്: പ്രതികളെ പിടിക്കാനിറങ്ങിയ പൊലീസിന് മർദനം

അലഹബാദ്: പശുക്കടത്ത് കേസിലെ പ്രതികളെ പിടിക്കാനിറങ്ങിയ പൊലീസ് ഉദ്യോഗസ്ഥർക്ക് നാട്ടുകാരുടെ മർദനം. ഉത്തർപ്രദേ ശിലെ പ്രയാഗ് രാജ് (അലഹബാദ്) നഗരത്തിനോട് ചേർന്ന മറിയാദി ഗ്രാമത്തിലാണ് സംഭവം. ഏഴ് പൊലീസുകാർക്കാണ് മർദനമേറ്റത്.

പശുക്കടത്ത് കേസിലെ പ്രതികളിലൊരാളെ അറസ്റ്റ് ചെയ്യാൻ പോയപ്പോഴാണ് സംഭവമെന്ന് എസ്.പി അശുതോഷ് മിശ്ര മാധ്യമങ്ങളോട് പറഞ്ഞു. സംഭവത്തിൽ കടുത്ത നടപടി ഉണ്ടാകുമെന്നും അക്രമികളെ ഉടൻ അറസ്റ്റ് ചെയ്യുമെന്നും അദ്ദേഹം വ്യക്തമാക്കി.

സംഭവത്തെ തുടർന്ന് ഗ്രാമത്തിൽ പൊലീസിനെ വിന്യസിച്ചിട്ടുണ്ട്.