വിരമിക്കുന്നതിന്​ മുമ്പ്​ യോഗിക്ക്​ പൊലീസ്​ ഒാഫീസറുടെ വിവാദ കത്ത്​

ന്യൂഡൽഹി: വിരമിക്കുന്നതിന്​ തൊട്ടുമുൻപ്​ യു.പി മുഖ്യമന്ത്രി യോഗി ആദിത്യനാഥിന്​ പൊലീസ്​ ഒാഫീസർ നൽകിയ വിവാദ കത്ത്​ പുറത്ത്​. വിരമിക്കലിന്​ ശേഷം സർക്കാറിൽ പദവി ആവശ്യപ്പെട്ട്​ ​െഎ.പി.എസ്​ ഒാഫീസറായ സുര്യകുമാർ ശുക്ല നൽകിയ കത്താണ്​ പുറത്തായിരിക്കുന്നത്​. പദവി നൽകുകയാണെങ്കിൽ ബി.ജെ.പിക്കായി പ്രവർത്തിക്കാമെന്നും സുര്യകുമാർ ശുക്ല വാഗ്​ദാനം ചെയ്​തിട്ടുണ്ട്​.

ജൂലൈ 23നാണ്​ സുര്യകുമാർ ശുക്ല യോഗി ആദിത്യനാഥിന്​ കത്തയച്ചിരിക്കുന്നത്​. ആഗസ്​റ്റ്​ 31നാണ്​ അദ്ദേഹം സർവീസിൽ നിന്ന്​ വിരമിക്കുക​. സംസ്ഥാന ആസൂത്രണ കമീഷനിലോ മലിനീകരണ നിയന്ത്രണ ബോർഡിലോ തനിക്ക്​ പദവി വേണമെന്നാണ്​ സുര്യകുമാറി​​​െൻറ ആവശ്യം. അതേ സമയം, കത്ത്​ സംബന്ധിച്ച വാർത്ത സ്ഥിരീകരിക്കാനോ നിഷേധിക്കാനോ സുര്യകുമാർ തയാറായിട്ടില്ല. വിരമിച്ചതിന്​ ശേഷവും ഉദ്യോഗസ്ഥർ സർക്കാറിനായി ജോലി​ ചെയ്യുന്നതിൽ തെറ്റില്ലെന്ന്​ അദ്ദേഹം പറഞ്ഞു.

നേരത്തെ രാമക്ഷേത്രം നിർമാണത്തിനായി മുന്നിട്ടിറങ്ങണമെന്ന്​ ആഹ്വാനം നൽകി സുര്യകുമാർ വിവാദത്തിലായിട്ടുണ്ട്​​. ലഖ്​നോ യൂനിവേഴ്​സിറ്റിയിൽ നടന്ന പരിപാടിക്കിടെയാണ്​ രാമക്ഷേത്രം നിർമാണത്തിനായി മുന്നിട്ടിറങ്ങണമെന്ന്​ സുര്യകുമാർ ആഹ്വാനം ചെയ്​തത്​​.