അൾവാറിലെ ആൾക്കൂട്ട കൊലപാതകം: ഒരാൾ കൂടി അറസ്​റ്റിൽ

ജയ്​പൂർ: രാജസ്ഥാനിലെ ആൾവാറിൽ പശുകടത്തി​​​െൻറ പേരിൽ അക്​ബർ ഖാനെ കൊലപ്പെടുത്തിയ കേസിൽ ഒരാൾ കൂടി അറസ്​റ്റിൽ. ഇതോടെ കേസിൽ അറസ്​റ്റിലായവരു​ടെ എണ്ണം മൂന്നായി. പ്രതികൾക്കെതിരെ ​െഎ.പി.സി 302ാം വകുപ്പ്​ പ്രകാരമാണ്​ കേസെടുത്തിരിക്കുന്നത്​.

ആൾവാറിലെ രാംഗർ ഏരിയയിൽ വെള്ളിയാഴ്​ച രാത്രിയാണ് പശുകടത്തി​​​െൻറ പേരിൽ കൊലപാതകമുണ്ടായത്​. ഹരിയാന സ്വദേശി അക്​ബർ ഖാൻ എന്നയാളാണ്​ മർദനമേറ്റു മരിച്ചത്​.

സ്വദേശമായ ഹരിയാനയിലെ കോൽഗ്​നാവിൽ നിന്നും രാജസ്ഥാനിലെ രാംഗറിലെ ലാൽവാന്ദിയിലേക്ക്​ രണ്ട്​ പശുക്കളുമായെത്തിയ അക്​ബർ ഖാനെ പ്രദേശത്തെ ഗോരക്ഷ ഗുണ്ടകൾ സംഘം ചേർന്ന്​ ആക്രമിക്കുകയായിരുന്നു. അമ്പതോളം പേർ ചേർന്നാണ്​ അക്​ബറിനെ ആക്രമിച്ചത്​.