Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഡൽഹി കലാപക്കേസിൽ...

ഡൽഹി കലാപക്കേസിൽ 17,000 പേജ്​ കുറ്റപത്രം സമർപ്പിച്ച്​ പൊലീസ്​

text_fields
bookmark_border
ഡൽഹി കലാപക്കേസിൽ 17,000 പേജ്​ കുറ്റപത്രം സമർപ്പിച്ച്​ പൊലീസ്​
cancel

ന്യൂഡൽഹി: ഈ വർഷം ഫെബ്രുവരിയിൽ നടന്ന ഡൽഹി കലാപക്കേസിൽ പൊലീസ്​ കുറ്റപത്രം സമർപ്പിച്ചു. 17000 പേജുകളുള്ള കുറ്റപത്രമാണ്​ ഡൽഹി പൊലീസ് സ്​പെഷൽ സെൽ കർകർഡോമ കോടതിയിൽ​ സമർപ്പിച്ചത്​. സ്​റ്റീൽ പെട്ടിയിലാക്കി അടച്ച്​ കോടതിയിലെത്തിച്ച കുറ്റപത്രത്തിലെ 2,692 പേജുകളും പ്രതികൾക്കെതിരെയുള്ള കുറ്റങ്ങൾ വിവരിക്കുന്നതാണ്​.

15 പ്രതികളുടെ പേരുകളാണ്​ കുറ്റപത്രത്തിലുള്ളത്​. 53 പേരുടെ മരണത്തിനും നൂറു കണക്കിനാളുകൾക്ക്​ പരിക്കേൽക്കുന്നതിനും ഇടയാക്കിയ കലാപം ആസൂത്രണം ചെയ്​തുവെന്ന കുറ്റമാണ്​ പ്രതികൾക്കു മേൽ ചുമത്തിയിട്ടുള്ളത്​.

കേസുമായി ബന്ധപ്പെട്ട്​ ഏതാനും ദിവസങ്ങൾക്ക്​ മുമ്പ്​ പൊലീസ്​ അറസ്​റ്റ്​ ചെയ്​ത ഉമർ ഖാലിദ്​, ഷർജിൽ ഇമാം എന്നിവരുടെ പേരുകൾ ഇപ്പോൾ സമർപ്പിച്ച കുറ്റപത്രത്തിലില്ല. ഇനി സമർപ്പിക്കാനിരിക്കുന്ന സപ്ലിമെൻററി കുറ്റപത്രത്തിൽ അവരുടെ പേരുകൾ കൂട്ടിച്ചേർക്കുമെന്നാണ്​ വിവരം.

കഴിഞ്ഞ ഫെബ്രുവരിയിലാണ്​ രാജ്യത്തെ പിടിച്ചു കുലുക്കിയ വംശീയാക്രമണത്തിന്​ രാജ്യ തലസ്ഥാനം സാക്ഷ്യം വഹിച്ചത്​. കലാപത്തിൽ നിരവധി വീടുകളും വാഹനങ്ങളും ​മതസ്ഥാപനങ്ങളും അഗ്​നിക്കിരയാവുകയും തകർക്കപ്പെടുകയും ചെയ്​തു. ബി.ജെ.പി നേതാവ് കപിൽ മിശ്രയുടെ വിവാദ പ്രസംഗത്തിന് ശേഷമാണ് വംശീയ ആക്രമണങ്ങൾക്ക് തുടക്കം കുറിച്ചത്.

നിയമവിരുദ്ധ പ്രവർത്തനങ്ങൾ തടയൽ നിയമമനുസരിച്ചുള്ള കുറ്റങ്ങളാണ്​​ കുറ്റപത്രത്തിൽ പ്രതികൾക്കെതിരെ ചുമത്തിയിട്ടുള്ളത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Delhi Policecharge sheetdelhi riotdelhi riot chargesheet
Next Story