ആൾക്കൂട്ടം കൊലപ്പെടുത്തുമെന്ന്​ ഭയം: ഇന്ത്യയിലെത്താനാവില്ലെന്ന്​ മെഹുൽ ചോക്​സി

ന്യൂഡൽഹി: ആൾക്കൂട്ടം കൊലപ്പെടുത്തുമെന്ന ഭയം മൂലം ഇന്ത്യയിലെത്താനാവില്ലെന്ന്​ പി.എൻ.ബി തട്ടിപ്പ്​ കേസിലെ മുഖ്യപ്രതി മെഹുൽ ചോക്​സി. ആൾക്കൂട്ടം കൊലപ്പെടുത്തുമെന്ന്​ ഭയമുണ്ടെന്നും ഇതിനാൽ തനിക്കെതിരെ പുറപ്പെടുവിച്ച ജാമ്യമില്ല വാറണ്ട്​ റദ്ദാക്കണമെന്നും ആവശ്യപ്പെട്ട്​ ചോക്​സി സി.ബി.​െഎ ജഡ്​ജിക്കെഴുതിയ കത്തിൽ വ്യക്​തമാക്കി.

അന്വേഷണവുമായി സഹകരിക്കാൻ തയാറാണെന്നും ചോക്​സി കത്തിൽ പറയുന്നുണ്ട്​. കേസ്​ സംബന്ധിച്ച്​ അന്വേഷണ എജൻസികളുടെ ചോദ്യങ്ങൾക്ക്​ കൃതമായ മറുപടി നൽകിയിട്ടുണ്ടെന്നും അദ്ദേഹം പറഞ്ഞു. നീരവ്​ മോദിക്കെതിരായും തനിക്കെതിരായുമുള്ള കേസുകൾ വ്യത്യസ്​തമാണ്​. ത​​​െൻറ മുഴുവൻ സ്വത്തുക്കളും എൻഫോഴ്​സ്​മ​​െൻറ്​ ഡയറക്​ടറേറ്റ്​ കണ്ടുകെട്ടിയ വിവരവും ചോക്​സി കത്തിൽ ചൂണ്ടിക്കാട്ടിയിട്ടുണ്ട്​.

അതേ സമയം, ചോക്​സിയുടെ കേസ്​ പരിഗണിക്കുന്ന സി.ബി.​െഎ പ്രത്യേക കോടതി ജഡ്​ജി വാദം കേൾക്കുന്നതിനായി കേസ്​ ജൂലൈ 11ലേക്ക്​ മാറ്റി. നീരവ്​മോദിക്കും അദ്ദേഹത്തി​​​െൻറ അമ്മാവനുമായ ചോക്​സിയും 13,400 കോടിയുടെ തട്ടിപ്പ്​ പി.എൻ.ബി ബാങ്കിൽ നടത്തിയെന്നാണ്​ സി.ബി.​െഎ കേസ്​.